جالعان تەكسەرۋ بەلگىلەرى انىقتالعان تەحنيكالىق بايقاۋدىڭ دياگنوستيكالىق كارتالارى جويىلادى.
بۇل تۋرالى «ۇلتتىق اقپاراتتىق تەحنولوگيالار» اق باسقارما ءتوراعاسى روستيسلاۆ كونياشكين مالىمدەدى. جاڭا ەرەجە بويىنشا دياگنوستيكالىق كارتادان باس تارتۋ كەزىندە اۆتوكولىك يەسىنە تەحنيكالىق بايقاۋدان قايتا ءوتۋ قاجەتتىلىگى تۋرالى SMS حابارلاما كەلەدى، دەپ حابارلايدى Almaty-akshamy.kz Qazaqstan.tv-عا سىلتەمە جاساپ.
ياعني، ءسىز تەحنيكالىق تەكسەرىستەن وتكەن ورتالىقتىڭ جۇمىسى توقتاتىلدى دەگەن ءسوز. بىلتىر زاڭسىز قىزمەت كورسەتكەن 168 وپەراتوردىڭ رۇقساتى جويىلعان. ال تەحنيكالىق بايقاۋدان ۋاقىتىلى وتپەگەندەر 5 ايلىق ەسەپتىك كورسەتكىش نەمەسە 17 250 تەڭگە كولەمىندە ايىپپۇل تولەۋگە مىندەتتەلەدى.