وتىنىشتەردى 15 قاراشادان باستاپ 20 قاراشاعا دەيىن تاپسىرۋ كەرەك.
بۇل تۋرالى قالا اكىمى باقىتجان ساعىنتايەۆ «الماتى» تەلەارناسىنىڭ Akimat live باعدارلاماسىندا ايتتى، دەپ حابارلايدى Almaty-akshamy.kz
وتىنىمدەر www.almaty-jastary.info.سايتىندا قابىلدانادى.
باعدارلاماعا قاتىسۋشىلارعا قويىلاتىن نەگىزگى تالاپتار:
جاسى – 29 جاسقا دەيىن؛
الماتىدا سوڭعى ەكى جىلدان كەم ەمەس تۇراقتى تىركەلۋى؛
سوڭعى ەكى جىل ىشىندە قازاقستان اۋماعىندا تۇرعىن ءۇيىنىڭ بولماۋى؛
سوڭعى 6 ايدا ۇمىتكەرلەردىڭ اي سايىنعى جالاقىسى 40 اەك-تەن جوعارى بولۋى ءتيىس – 116 680 تەڭگە.
بەرىلەتىن پاتەرلەر ناۋرىزباي اۋدانىنداعى «الما سيتي-5» جاڭا تك جانە الاتاۋ اۋدانىنداعى «مادەنيەت» تك ورنالاسقان. جالپى سانى – 1 050 ءبىر بولمەلى پاتەر. جالعا بەرۋ مەرزىمى – ۇزارتۋ قۇقىعىنسىز 5 جىل.
قانداي قۇجاتتار تاپسىرۋ كەرەك:
- ەرەجەدەگى قوسىمشاعا سايكەس فورما بويىنشا ءوتىنىش (ءوتىنىمدى تولتىرعان سوڭ ءوزى قۇرىلادى)؛
- بەرۋشىنىڭ جانە ەرلى-زايىپتىلاردىڭ (بار بولسا) جەكە باسىن كۋالاندىراتىن سكانەرلەنگەن قۇجات؛
- ءبىلىم تۋرالى سكانەرلەنگەن قۇجاتى (ديپلوم، سەرتيفيكاتتار)؛
- نەكە قيۋ تۋرالى سكانەرلەنگەن كۋالىك (بار بولسا)؛
- بالالاردىڭ سكانەرلەنگەن تۋۋ تۋرالى كۋالىگى (بار بولسا)؛
- قازاقستان رەسپۋبليكاسى بويىنشا ءوتىنىش بەرۋشىگە جانە وتباسىنىڭ بارلىق مۇشەلەرىنە جىلجىمايتىن مۇلىكتىڭ جوق (بار) ەكەندىگى تۋرالى انىقتاما؛
- جۇمىس ورنىنان سكانەرلەنگەن انىقتاما، سونداي-اق، جەكە كاسىپكەرلىك جۇرگىزگەن جاعدايدا جەكە كاسىپكەرلىكتىڭ تىركەلۋى تۋرالى كۋالىك؛
- ءوتىنىش بەرۋشىنىڭ اي سايىنعى تابىسىن كەمىندە 40 (قىرىق) ايلىق ەسەپتىك كورسەتكىش مولشەرىندە راستايتىن سوڭعى التى اي ىشىندەگى تابىسى تۋرالى سكانەرلەنگەن انىقتاماسى؛
- قازاقستان رەسپۋبليكاسى ەڭبەك كودەكسىنىڭ 35-بابىنا سايكەس ەڭبەك ءوتىلىن راستايتىن سكانەرلەنگەن قۇجاتتارى (بيۋدجەتتىك ۇيىمدا ءوتىلدى راستاۋ ءۇشىن ەڭبەك كىتاپشانىڭ سكانەرلەنگەن بەتتەرىن نەمەسە ءوتىلدى راستاتىن انىقتامانى جۇكتەۋ كەرەك بولادى)؛
- ەكىنشى دەڭگەيلى بانكتەردىڭ جيناق شوتتارىنداعى (دەپوزيتتەرىندەگى) جيناقتاردىڭ بولۋى جانە ءنومىرى تۋرالى انىقتاما جانە بانكتىك شوت بويىنشا اقشانىڭ قالدىعى جانە قوزعالىسى تۋرالى سكانەرلەنگەن ءۇزىندى؛
- ءوتىنىش بەرۋشىنىڭ ءتۇرلى قىزمەت سالالارىنداعى جەكە جەتىستىكتەرىن راستايتىن سكانەرلەنگەن قۇجاتتارى (كاسىبي سالاداعى جەتىستىكتەر ەسكەرىلۋى قاجەت. مىسالى، ديپلومدار، ماراپاتتار جانە باسشىلىقتىڭ العىس حاتتارى).
- سوڭعى 2 جىل ارالىعىندا الماتى قالاسى ايماعىندا تىركەۋ ورنى وزگەنگەن جاعدايدا، كوشى-قون ورگاننان 2-جىلدىق تىركەۋدى راستايتىن سكانەرلەنگەن قۇجات جۇكتەلىنۋ كەرەك (پوليسيانىڭ كوشى-قون باسقارماسى).