جالاقىسى ازايعان نەمەسە سىرقاتتانعانداردىڭ نەسيەسى كەشىرىلۋى مۇمكىن

قۇجات جوباسى 1 شىلدەگە دەيىن قوعامدىق تالقىلاۋدا بولادى.

ق ر قارجى نارىعىن رەتتەۋ جانە دامىتۋ اگەنتتىگى جەكە تۇلعالاردىڭ بەرەشەگىن ءوندىرىپ الۋشى كوللەكتورلىق كومپانيالاردىڭ وتەۋ ەرەجەلەرىن ازىرلەگەن، ونىڭ ىشىندە قارىزدى تولىق كەشىرۋ دە بار، دەپ حابارلايدى Almaty-akshamy.kz

1 شىلدەگە دەيىن قوعامدىق تالقىلاۋدا بولاتىن قۇجات ءتۇبى قابىلداناتىن بولسا، قارىز الۋشى ازامات نەسيە تولەۋ مەرزىمىن، ونىڭ ىشىندە ءوسىمپۇل مەن ايىپپۇلدى وزگەرتە وتىرىپ، كەيىنگە قالدىرۋ جانە ءبولىپ تولەۋ كەزەڭدەرىنەن ءوتۋى كەرەك بولادى.

ول كەزدە تولەمدى كەيىنگە قالدىرۋ نەمەسە قارىزدى كەشىرۋ تۋرالى ءوتىنىشتى كىمدەر بەرە الادى؟ ولار:

ايتۆ-ينفەكسياسى سالدارىنان ەكى ايدان استام مۇگەدەك، III توپتاعى مۇگەدەكتەر، تۋبەركۋلەزبەن اۋىراتىندار؛

جاقىن تۋىستارى اۋىرعان نەمەسە قايتىس بولعان قارىز الۋشىلار؛

اپات، ءورت، سۋ تاسقىنى، ءۇشىنشى تۇلعالاردىڭ زاڭسىز ارەكەتتەرىنەن زارداپ شەككەندەر؛

ورتاشا ايلىق تابىسى 30% تومەندەگەن رەسمي تىركەلگەن جۇمىسسىزدار؛

حالىقتىڭ الەۋمەتتىك جاعىنان وسال توپتارىنا جاتقىزىلعان نەمەسە وتباسىندا وسىنداي مارتەبەگە يە مۇشەسى بار جۇمىسسىزدار.

سونىمەن قاتار، جاڭا ەرەجە جەكە تۇلعالارعا قارىزىن وتەۋ ءۇشىن كەپىلگە قويىلعان مۇلىكتى ءوز بەتىنشە ساتۋعا نەمەسە ساتىپ الۋشىعا بورىشتىق مىندەتتەمەلەرىن بەرە وتىرىپ ساتۋعا رۇقسات ەتۋدى كوزدەيدى.

سول سەكىلدى، ءوندىرىپ الىنعان مۇلىكتى كوللەكتورلىق اگەنتتىككە بەرۋگە دە رۇقسات ەتىلۋى مۇمكىن.