ۇلتتىق ەكونوميكا مينيسترلىگىنىڭ مالىمەتىنە سۇيەنسەك، ەگەر ققس مولشەرلەمەسى 12-دەن 20 پايىزعا كوتەرىلەر بولسا، مەملەكەتتىك قىزمەتكەرلەر جالاقىسى، زەينەتاقى مەن جاردەماقى وسەدى، دەپ حابارلايدى aqshamnews.kz
بۇل يندەكساسيا اياسىندا بيۋدجەتتەن 800 ملرد تەڭگە جۇمسالۋى مۇمكىن. ۇلتتىق ەكونوميكا ءمينيسترى سەرىك ءجۇمانعاريننىڭ سوزىنشە، ءقازىر ەكونوميكالىق زەرتتەۋلەر ينستيتۋتى بيزنەستىڭ «كولەڭكەگە» كەتۋىن بولدىرمايتىن نۇسقالاردى زەرتتەپ جاتىر.
ەسكە سالايىق، ۇكىمەت ققس مولشەرلەمەسىن 12-دەن 20 پايىزعا كوتەرۋدى، ققس بويىنشا ەسەپكە قويۋ شەگىن 78 ملن-نان 15 ملن تەڭگەگە ءتۇسىرۋدى كوزدەپ وتىر. ءجۇمانعاريننىڭ ايتۋىنشا، بۇل وزگەرىس بيۋدجەتكە قوسىمشا 5-7 ترلن تەڭگە كولەمىندە ءتۇسىم الىپ كەلەدى.