بيىلعى جىلدىڭ سوڭىنا دەيىن «سامال-1» شاعىن اۋدانىنداعى مەملەكەتتىك مۋزەي جانىنداعى سكۆەردى رەكونسترۋكسيالاۋدى اياقتاۋ جوسپارلانۋدا.
بۇل تۋرالى الماتى اكىمى ەربولات دوسايەۆتىڭ مەدەۋ اۋدانى تۇرعىندارىمەن وتكەن كەزدەسۋىندە ايتىلدى، دەپ حابارلايدى Almaty-akshamy.kz.
«وسى جىلدىڭ تامىز ايىندا «سامال-1» شاعىن اۋدانىنداعى «جۋرناليستەر» سكۆەرىن رەكونسترۋكسيالاۋ باستالدى. جۇمىستاردى وسى جىلدىڭ سوڭىنا دەيىن اياقتايمىز. سىزدەردىڭ وتىنىشتەرىڭىز بويىنشا «الاتاۋ» شاعىن اۋدانىندا يبراگيموۆ كوشەسى بويىنشا سكەيت-پاركتىڭ قۇرىلىسى باستالدى (2023 جىلعى 25 تامىز). جۇمىستاردى وسى جىلدىڭ سوڭىنا دەيىن اياقتايمىز»، - دەدى ە.دوسايەۆ.
قوعامدىق كەڭىستىكتەردى دامىتۋ شەڭبەرىندە تەرەڭقۇرداعى سۋ ايدىنىن رەكونسترۋكسيالاۋ ءۇشىن جوبالاۋ-سمەتالىق قۇجاتتاما ازىرلەنۋدە. جوبالاۋ-سمەتالىق قۇجاتتامانىڭ اياقتالۋ مەرزىمى – وسى جىلدىڭ جەلتوقسان ايى.
سونىمەن قاتار، تەرەڭقۇردى اعىمداعى جوندەۋ جۇمىستارى جۇرگىزىلۋدە. جۇمىستاردى وسى جىلدىڭ سوڭىنا دەيىن اياقتاۋ كوزدەلگەن.
مەدەۋ اۋدانىندا جايلى قالالىق ورتا قۇرۋ ءۇشىن 122 جوبا ىسكە اسىرىلۋدا. بۇگىنگى تاڭدا 15 اۋلا اۋماعى اباتتاندىرىلدى، 7 ءۇيدىڭ فاسادى جاڭارتىلدى،13 جەرۇستى (8 شىعىس اينالما جول بويىنشا – جوندەۋ) جانە جەراستى (5، ونىڭ ىشىندە 3 – گيدرووقشاۋلاۋ، 2 – جوندەۋ) جاياۋ جۇرگىنشىلەر وتكەلدەرىن جوندەۋ اياقتالدى. 4 اۆتوماتتى سۋارۋ جۇيەسىن رەكونسترۋكسيالاۋ جانە 2 قوعامدىق كەڭىستىكتى اباتتاندىرۋ اياقتالدى. قالعان 81 جوبا بويىنشا (65 اۋلا، 16 ءۇيدىڭ فاسادى) جۇمىستار وسى جىلدىڭ قازان ايىنىڭ سوڭىنا دەيىن اياقتالادى