«جايلى مەكتەپ» شەڭبەرىندە جەتىسۋ اۋدانىندا جاڭا مەكتەپ سالىنادى

جەتىسۋ اۋدانىنىڭ مەكتەپتەرىندەگى وقۋشى ورىندارىنىڭ تاپشىلىعىنا قاتىستى جاعداي سالىستىرمالى تۇردە قولايلى

بۇگىنگى تاڭدا تاپشىلىق شامامەن 3000 ورىندى قۇرايدى.

بۇل تۋرالى الماتى اكىمى ەربولات دوسايەۆ جەتىسۋ اۋدانى تۇرعىندارىمەن وتكەن كەزدەسۋدە ايتتى، دەپ حابارلايدى Almaty-akshamy.kz.

«حالىق سانىنىڭ ءوسۋى مەن اۋدانداعى تۇرعىن ءۇي قۇرىلىسىنىڭ قارقىنىن ەسكەرە وتىرىپ، ءبىز بيىل «جايلى مەكتەپ» ۇلتتىق جوباسى شەڭبەرىندە بورالداي كوشەسىندە 1200 ورىندىق ءبىر جاڭا مەكتەپتىڭ قۇرىلىسىن  باستاۋدى جوسپارلاپ وتىرمىز. سونداي-اق 148، 103 جانە 112 مەكتەپتەرگە 750 ورىندىق قوسىمشا قۇرىلىس سالۋ جۇمىستارى ءجۇرىپ جاتىر»، - دەدى الماتى اكىمى ەربولات دوسايەۆ. 

148ء-شى مەكتەپكە 300 ورىندىق قوسىمشا عيماراتتىڭ قۇرىلىس-مونتاجداۋ جۇمىستارى جۇرگىزىلۋدە، 2023 جىلدىڭ III توقسانىندا اياقتاۋ جوسپارلانۋدا.

103ء-شى مەكتەپكە 200 ورىندىق (مەردىگەر - Global Construction) جانە 112ء-شى مەكتەپكە 250 ورىندىق قوسىمشا عيماراتتاردىڭ قۇرىلىس-مونتاجداۋ جۇمىستارى بويىنشا (مەردىگەر - Sheber Building) مەردىگەر ۇيىمدار انىقتالدى. وسى ەكى مەكتەپ بويىنشا قۇرىلىس جۇمىستارىن بيىل ماۋسىم ايىندا باستاپ، 2024 جىلدىڭ I توقسانىندا اياقتاۋ جوسپارلانۋدا.

بۇنىمەن قاتار بيىل ماۋسىم ايىندا اينابۇلاق شاعىن اۋدانىنداعى 160 ورىندىق بالاباقشانىڭ قۇرىلىسى اياقتالادى.