جول جابىق بولعانىنا قاراماستان قوزعالعان جۇرگىزۋشى قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 667-بابىنا سايكەس جاۋاپقا تارتىلادى، دەپ حابارلايدى aqshamnews.kz
بۇل باپ «قۇقىق قورعاۋ نەمەسە ارنايى مەملەكەتتىك ورگان قىزمەتكەرىنىڭ زاڭدى بۇيرىعىنا نەمەسە تالابىنا باعىنباۋ» دەپ اتالادى. جازا رەتىندە 30 ايلىق ەسەپتىك كورسەتكىش مولشەرىندە ايىپپۇل (2025 جىلى – 78 640 تەڭگە، 2026 جىلى – 86 500 تەڭگە) نەمەسە 15 تاۋلىككە دەيىن اكىمشىلىك قاماۋعا الۋ قاراستىرىلعان.
سونىمەن قاتار، كولىك قۇرالىن جولدىڭ ءجۇرۋ بولىگىنە دۇرىس ورنالاستىرماۋ، قارسى باعىتتاعى جولاققا شىعۋ، ءقاۋىپتى مانيەۆر جاساۋ، ۇيىمداستىرىلعان كولىك كولونناسىن ءبولۋ نەمەسە كولىكتەردىڭ اراسىنا كىرىپ كەتۋ ءتارىزدى ارەكەتتەر ءۇشىن 15 ايلىق ەسەپتىك كورسەتكىش مولشەرىندە ايىپپۇل سالىنادى (2025 جىلى – 58 980 تەڭگە، 2026 جىلى – 64 875 تەڭگە).
«قازاۆتوجول» ۇلتتىق كومپانياسىنىڭ حابارلاۋىنشا، ساعات 18:00-دەگى جاعداي بويىنشا اۋا رايىنىڭ ناشارلاۋىنا بايلانىستى شىعىس قازاقستان وبلىسىندا رەسپۋبليكالىق ماڭىزى بار ەكى جول ۋچاسكەسىندە جۇك كولىكتەرى مەن قوعامدىق كولىكتەردىڭ قوزعالىسىنا ۋاقىتشا شەكتەۋ ەنگىزىلدى:
«وسكەمەن – ريددەر» اۆتوجولى، 15–105 شاقىرىم (بەلوۋسوۆكا ەلدى مەكەنى – ريددەر قالاسى ارالىعى)؛
«وسكەمەن – شەمونايحا» اۆتوجولى، 1104–1191 شاقىرىم (گلۋبوكوە اۋىلىنا بۇرىلىس – شەمونايحا قالاسى ارالىعى).