يزرايلدە مۇنداي ەرەۋىلدەر قاڭتار ايىنان بەرى توقتاماي تۇر.
تەل-اۆيۆتە مىڭداعان ادامنىڭ قاتىسۋىمەن تاعى نارازىلىق شاراسى ءوتتى، دەپ حابارلايدى اlmaty-akshamy.kz 24.kz سىلتەمە جاساپ.
كەي اۋدانداردا اشۋعا ەرىك بەرگەن جۇرت پوليسيامەن قاقتىعىسقان. حالىق سوت رەفورماسىنا قارسىلىق ءبىلدىرىپ، مەملەكەت باسشىسىنىڭ ساياساتىن سىنعا الىپ وتىر. ساراپشىلار سوت جۇيەسىندەگى جاڭا وزگەرىستەر، مەملەكەتتىڭ ەگەمەندىگىنە نۇسقان كەلتىرەدى دەپ دابىل قاعىپ جاتىر. مىنا درونمەن تۇسىرىلگەن كادرلاردا ەرەۋىلدىڭ قانشالىقتى اۋقىمدى ەكەنىن كورۋگە بولادى. ءدۇيىم جۇرت ۇكىمەتكە قارسى جازبالارى بار پلاكاتتار ۇستاپ، ءتۇرلى ۇراندار ايتتى. ايتا كەتەيىك، يزرايلدە مۇنداي ەرەۋىلدەر قاڭتار ايىنان بەرى توقتاماي تۇر. وپپوزيسيا ۇكىمەت باسشىسى بينيامين نەتانياحۋدىڭ ساياساتىن سىنعا الىپ، ونىڭ بيلىكتەن كەتۋىن تالاپ ەتىپ وتىر. بۇل ەلدەگى ساياسي تۇراقسىزدىققا الەم ەلدەرى دە الاڭداپ وتىر.