مينيستر ءورت ءسوندىرۋشى اسقار زابيكۋلين مەن ايان كەمپيروۆتىڭ ەمى قالاي ءجۇرىپ جاتقانىن ءبىلدى
يۋريي يلين پارىزىن وتەۋ كەزىندە زارداپ شەككەن ءورت سوندىرۋشىلەردىڭ جاعدايىن سۇراپ اۋرۋحاناعا باردى، دەپ حابارلايدى Almaty-akshamy.kz ق ر تجم باسپا ءسوز قىزمەتىنە سىلتەمە جاساپ.
تج ءمينيسترى يۋريي يلين ادامداردى قۇتقارۋ بارىسىندا زارداپ شەككەن ەلوردالىق ءورت سوندىرۋشىلەر اسقار زابيكۋلين مەن ايانا كەمپىروۆتىڭ جاعدايىن ءبىلۋ ءۇشىن اۋرۋحانادا باردى.
يۋريي يلين ءورت سوندىرۋشىلەر اسقار زابيكۋلين مەن ايان كەمپيروۆتىڭ ەمى قالاي ءجۇرىپ جاتقانىن ءبىلدى. قىزمەتكەرلەردىڭ تۋىستارى مەن جاقىندارىمەن كەزدەسىپ، ولارعا شىدامدىلىق، تاباندىلىق جانە تەز ساۋىعىپ كەتۋىن تىلەدى. مينيستر اۋرۋحانانىڭ باس دارىگەرىنەن – دارى-دارمەكتىڭ ەمدەلۋگە جەتكىلىكتى مە، جوق پا، بارلىق قاجەتتى دارى-دارمەكتەردىڭ بار ەكەنىن ءبىلدى.
قازىرگى ۋاقىتتا اسقار زابيكۋلين №1 كوپسالالى قالالىق اۋرۋحانانىڭ رەانيماسيا بولىمىندە ەم قابىلداپ جاتىر، كۇيىك اۋدانى 80%، جاعدايى وتە اۋىر دەپ باعالانادى.
تاعى ءبىر زارداپ شەككەن № 10 ءورت ءسوندىرۋ ءبولىمىنىڭ بولىمشە كومانديرى ايان كەمپىروۆ كومبۋستيولوگيا بولىمىندە ەم قابىلداپ جاتىر، كۇيىك اۋدانى-7-10%.
اۋرۋحاناعا بارعان كەزدە مينيستر № 10 ءورت ءسوندىرۋ ءبولىمىنىڭ بولىمشە كومانديرى ايان كەمپىروۆكە قازاقستان رەسپۋبليكاسى پرەزيدەنتىنىڭ جارلىعىمەن بەرىلگەن ءىىى دارەجەلى «ايبىن» مەملەكەتتىك ناگراداسىن تاپسىردى.
«ماعان مەملەكەت باسشىسى جوعارى سەنىم ءبىلدىرىپ، ءوز اتىنان بىرىنشىدەن، قىزمەتتىك بورىشىن ورىنداۋ كەزىندە كورسەتكەن باتىلدىعىڭىز ءۇشىن العىس ايتۋ تاپسىرىلدى. ءسىزدىڭ تەز ساۋىعىپ كەتۋىڭىزدى تىلەيمىن. سونىمەن قاتار وسى جەردە تۇرعان دارىگەرلەرگە جەدەلدىگى مەن ۋاقتىلى اتقارىلعان جۇمىستارى ءۇشىن العىس ايتقىم كەلەدى. ولاردىڭ ايتۋىنشا جاعدايىڭىزدا جاقسارۋ ديناميكاسى بار»، - دەپ ايتتى يۋريي يلين.
مەملەكەتتىك ناگرادانى تابىس ەتە وتىرىپ يۋريي يلين ايان كەمپىروۆتىڭ اناسىنا بالاسىنا وسىنداي تاربيە بەرگەنى ءۇشىن العىسىن ءبىلدىردى.
سونىمەن قاتار، تج ءمينيسترى يۋريي يلين مەن استانا قالاسىنىڭ اكىمى التاي كولگىنوۆ اسقار زابيكۋليننىڭ وتباسىنا بارىپ، ءۇش بولمەلى پاتەرگە سەرتيفيكات تابىس ەتتى. پاتەر دەمەۋشىلىك قاراجات ەسەبىنەن بەرىلەدى. سونىمەن قاتار، ءورت ءسوندىرۋشى ايان كەمپىروۆتىڭ وتباسىنا يپوتەكانى وتەۋگە كومەك كورسەتىلەتىنى اتاپ ءوتىلدى. ەكى وتباسىنا دا نەسيەلەرىن وتەۋگە كومەكتەسۋ تۋرالى شەشىم قابىلداندى.
ءتجم-نىڭ مىڭداعان ۇجىمى دا اسقار زابيكۋليننىڭ تەزىرەك ساۋىعىپ كەتۋىنە ۇمىتتەنەدى، ونى جا قازاقستان رەسپۋبليكاسى پرەزيدەنتىنىڭ جارلىعىمەن بەرىلگەن ءى دارەجەلى «ايبىن» مەملەكەتتىك ناگراداسى كۇتەدى.