قازاقستاننىڭ ەكىنشى، الەمنىڭ 41-راكەتكاسى يۋليا پۋتينسيەۆا ستراسبۋرگ (فرانسيا) WTA 500 ءتۋرنيرىنىڭ ىرىكتەۋ سايىسىن جەڭىسپەن باستادى، دەپ حابارلايدى
ىرىكتەۋ سىنىنىڭ 2-راكەتكاسى بولىپ تىركەلگەن قازاقستاندىق تەننيسشى العاشقى قارسىلاسى، دۇنيەجۇزىلىك رەيتينگىدە 269-ورىندا تۇرعان ءۇندىستاندىق انكيتا راينانى ايقىن باسىمدىلىقپەن جەڭدى.
نەبارى ءبىر ساعاتقا سوزىلعان كەزدەسۋدە 6:1، 6:0 ەسەبى تىركەلدى. يۋليا 8 برەيك-پوينتتىڭ التاۋىن پايدالاندى.
پۋتينسيەۆا ىرىكتەۋ سايىستارىنىڭ فينالىندا الەمنىڭ 66-راكەتكاسى، امەريكالىق ەشلين كريۋگەر نەمەسە رەيتينگىدە 257-ساتىدا تۇرعان رەسەيلىك ۆەرا زۆوناريەۆانىڭ قاي جەڭگەنىمەن كەزدەسەدى. فينالدا جەڭسە، نەگىزگى تۋرنيرگە وتەدى.
ەسكە سالا كەتەيىك، بۇدان بۇرىن دەنيس ەۆسەيەۆتىڭ پورتۋگالياداعى جارىستىڭ فينالىنان تىس قالعانىن جازعان بولاتىنبىز.