پۋتينسيەۆا 8 برەيك-پوينتتىڭ التاۋىن پايدالانا ءبىلدى
قازاقستاندىق، الەمنىڭ 61-راكەتكاسى يۋليا پۋتينسيەۆا رابات (ماروككو) WTA 250 ءتۋرنيرىنىڭ شيرەك فينالىنا شىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازاقستاندىق تەننيسشى ەكىنشى اينالىمدا الەمنىڭ 129-راكەتكاسى، فرانسيالىق لەوليا جانجانمەن شەبەرلىك بايقاستى.
ءبىرىنشى پارتيادا يۋ.پۋتينسيەۆا قوس برەيككە قول جەتكىزدى - 6:2.
ەكىنشى سەتتە 5:0 ەسەبىمەن العا كەتىپ، ماچقا دوپ بەرگەندە، قارسىلاسى برەيك جاسادى. دەگەنمەن يۋليا باسەكەنى تاعى ءبىر برەيكپەن تۇيىندەدى - 6:1.
ءبىر ساعات 15 مينۋتقا سوزىلعان كەزدەسۋدە يۋ.پۋتينسيەۆا 8 برەيك-پوينتتىڭ التاۋىن پايدالانا ءبىلدى.
قازاقستاندىق سپورتشى جارتىلاي فينالعا شىعۋ ءۇشىن الەمنىڭ 55-راكەتكاسى، مىسىرلىق مايار شەريف نەمەسە رەيتينگتە 195-ساتىداعى ارگەنتينالىق يۋليا ريەرانىڭ بىرەۋىمەن تالاسادى.
ەسكە سالا كەتەيىك، بۇدان بۇرىن تيموفەي سكاتوۆتىڭ رولان گارروس ءتۋرنيرىنىڭ ىرىكتەۋ سايىسىن ءساتتى باستاعانىن جازعان بولاتىنبىز.