2023 جىلى قايتا قۇرۋدان كەيىن «يۋجنىي» قازاندىعى ىسكە قوسىلىپ، قۋاتى 41% - عا 190 گكال/ساع. دەيىن ۇلعايدى. سونىمەن قاتار، ەسقارايەۆ كوشەسى مەن گاگارين داڭعىلىندا «وربيتا» قازاندىعىمەن جالعاساتىن 900 مەتر جىلۋ جەلىسى قايتا قۇرىلدى. بۇل تۋرالى الماتى قالاسىنىڭ اكىمى ەربولات دوسايەۆ بوستاندىق اۋدانى تۇرعىندارىمەن كەزدەسۋىندە ءمالىم ەتتى، دەپ حابارلايدى اlmaty-akshamy.kz.
وسى جىلدىڭ قىركۇيەگىنە دەيىن ەسقارايەۆ كوشەسىنىڭ بويىمەن 660 مەتر جىلۋ جەلىلەرىن قايتا قۇرۋ جوسپارلانعان.
وتكەن جىلى 3،5 شاقىرىم سۋ قۇبىرىن قايتا جاڭارتۋ جۇمىستارى اياقتالسا، بيىل 3،2 شاقىرىم جەلى قۇرىلىسىن اياقتاۋ جوسپارلانىپ وتىر.
اۋداننىڭ جوعارعى بولىگىندە تۇراتىن تۇرعىنداردى ساپالى اۋىز سۋمەن قامتۋ ءۇشىن «ەرمەنساي» شاعىن اۋدانىندا ونىمدىلىگى تاۋلىگىنە 9 مىڭ م3 سۋ جيناۋ قۇرىلىسىن سالۋعا جوبالاۋ-سمەتالىق قۇجاتتاما ازىرلەنۋدە. مەملەكەتتىك ساراپتاماسى وسى جىلدىڭ مامىر ايىندا شىعادى دەپ كۇتىپ وتىرمىز. قۇرىلىس-مونتاجداۋ جۇمىستارىنىڭ بولجامدى قۇنى – 17 ملرد. تەڭگە. سونىمەن قاتار، «نۇرلىتاۋ» شاعىن اۋدانىندا سۋمەن قامتاماسىز ەتۋ ءۇشىن 62 شاقىرىم جانە سۋ بۇرۋ ءۇشىن 34 شاقىرىم جەلىلەرىن سالۋعا جوبالاۋ-سمەتالىق قۇجاتتاما ازىرلەنۋ ۇستىندە. بۇل قۇرىلىس جۇمىستارىنىڭ دا مەملەكەتتىك ساراپتاماسى مامىر ايىندا شىعادى دەپ بولجاپ وتىرمىز. جوسپارلانعان جۇمىستىڭ بولجامدى قۇنى – 14 ملرد. تەڭگە، دەدى قالا اكىمى.
وسى جىلى جالپى سۋمماسى 7 ملرد. تەڭگە بولاتىن جالپى ۇزىندىعى 7،5 شاقىرىم ينجەنەرلىك جەلىلەردى قايتا جاڭارتۋ جوسپارلانىپ وتىر. ونىڭ ىشىندە 500 مەتر كارىز، 5،3 شاقىرىم جىلۋ جەلىلەرى جانە 1،7 شاقىرىم ورتاشا قىسىمدى جەراستى گاز قۇبىرى.