كارناۆالدار باعدارلاماسىندا قايىقتار شەرۋى، ءساندى سارايلارداعى بالدار، ارسەنال ۆەرفتەرى جانە سان-ماركو الاڭىنداعى مۋزىكالىق قويىلىمدار بار. ۇيىمداستىرۋشىلار ۆەنەسيالىقتار مەن تۋريستەردى كوستيۋم تاڭداۋعا شىعارماشىلىقپەن قاراۋعا شاقىردى. بيىلعى تاقىرىپ – استرولوگيانىڭ جەكە تۇلعاعا اسەرى جانە جۇلدىزناما بەلگىلەرىن «ەكستراۆاگانتتى» كورسەتۋ.
ۆەنەسيادا كارناۆالدار ماۋسىمى اشىلدى. مەرەكە پاندەميادان كەيىن العاش رەت بۇرىنعى سيپاتتا ءوتىپ جاتىر، دەپ حابارلايدى Almaty-akshamy.kz. قازاقپاراتقا سىلتەمە جاساپ.
قالاداعى ءىس-شارالاردىڭ كوپشىلىگى تەگىن، پالاسسوداعى كەشتەر بيلەتپەن وتەدى. ۆەنەسيادا جانە باسقا دا لاگۋنا قالالارىندا مەرەكەلەر 21 اقپانعا دەيىن جالعاسادى.
اپەننيندەگى تاعى ءبىر ءىرى كارناۆال توسكانا ايماعىنداعى – ۆيارەدجودا باستالدى. جەرگىلىكتى دەڭگەيدەگى بۇل كارناۆال ۆەنەسيالىق كارناۆالعا قاراعاندا جاسىراق – بيىل وعان 150 جىل بولادى. مۇندا حالىقتىق مەرەكەلەردى ساياسي ساتيراسىز جانە وزەكتى ماسەلەلەردى مازاق ەتپەستەن ەلەستەتۋ مۇمكىن ەمەس. ليگۋريا تەڭىزىنىڭ جاعالاۋىنداعى كارناۆالدىڭ باستى بەلگىلەرىنىڭ ءبىرى – اتاقتى ادامداردىڭ پاپە-ماشەدەن جاسالعان الىپ فيگۋرالارىنىڭ شەرۋى.