قۇرعاقشىلىق ورىن الۋدا
يتاليانىڭ دەنساۋلىق ساقتاۋ مينيسترلىگى اپتاپ ىستىق سالدارىنان 5 ءىرى قالادا دابىلدىڭ قىزىل دەڭگەيىن جاريالادى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
ANSA اگەنتتىگى مالىمەتىنشە، 27 ءىرى قالانىڭ توعىزى جوعارى دايىندىققا كىرىسكەن. سەبەبى اۋا رايىنىڭ كۇرت ىسۋى ەۋروپانىڭ كوپتەگەن ەلدەرىن اۋرە-سارساڭعا سالعانى بەلگىلى.
قازىرگى ساتتە بولسانو، برەشيا، فلورەنسيا، لاتينا جانە پەرۋدجا قالالارىندا اپاتتىڭ «قىزىل» دەڭگەيى ەنگىزىلدى. تاعى ءتورت مەگاپوليس بولونيا، گەنۋيا، ريەتي مەن ريم اتالعان دەڭگەيدە سارسەنبى كۇنى جاريالايدى دەپ كۇتىلۋدە.
اۋا تەمپەراتۋراسىنىڭ كوتەرىلۋى يتاليادا قاتتى قۇرعاقشىلىقتىڭ ورىن الۋىنا سەبەپ بولدى. ودان ەلدىڭ اۋىل شارۋاشىلىعى سالاسى دا قاتتى زارداپ شەككەن.
ەۋروپالىق عالىمدار مۇنداي اپتاپ ىستىقتى ادامنىڭ ارەكەتتەرىنەن تۋىنداعان كليماتتىڭ وزگەرۋ سالدارىمەن بايلانىستىرىپ وتىر.