برەشيا قالاسىنىڭ تاريحي راديوستانسياسى بولىپ تابىلاتىن Radio Bresciasette يتاليادا ديماش قۇدايبەرگەننىڭ اپتا سايىن مۋزىكاسىن تاراتاتىن العاشقى راديو.
بۇل تۋرالى aqshamnews.kz dimashnews.com سايتىنا سىلتەمە جاساي وتىرىپ حابارلايدى.
سەنبى جانە جەكسەنبى كۇندەرى ساعات 10:00-12:00 ارالىعىندا كورسەتىلەتىن «Dove e quando» باعدارلاماسى اياسىندا جۇرگىزۋشى دوناتەللا ۆالگونيو قازاقستاندىق ءانشىنىڭ شىعارماشىلىعىنا ارنايى ايدار ارنايدى. ول ءار تىلدەگى جانە ءارتۇرلى جانرداعى اندەرىن ۇسىنىپ، تىڭداۋشىلاردى ديماشتىڭ مۋزىكاسى تۋرالى قىزىقتى دەرەكتەرمەن تانىستىرادى.
سونىمەن قاتار، ءارتىستىڭ جانكۇيەرلەرى باعدارلاماعا قاتىسىپ، وزدەرى قاتىسقان كونسەرتتەردەن العان اسەرلەرىمەن بولىسەدى. بۇل باعدارلاما يتاليالىق Dears-قا ديماشتىڭ شىعارماشىلىعىمەن جاقىنىراق تانىسۋعا جانە ءانشىنىڭ ەۋروپادا تانىمالدىلىعىنىڭ ارتۋىنا كومەكتەسەدى.
Radio Bresciasette 1978 جىلى 14 اقپاندا قۇرىلعان جانە وعان تانىمال Giornale di Brescia گازەتى، Radio Classica Bresciana راديوستانسياسى جانە Teletutto جەرگىلىكتى تەلەارناسى كىرەتىن ۇلكەن مەديا-توپتىڭ بولىگى بولىپ تابىلادى.