بۇل وزگەرىس كەلەسى جىلدان باستاپ ەنگىزىلەدى
ق ر بعم حابارلاۋىنشا، IT ماماندىقتارىن يگەرۋگە نيەتتەنگەن تالاپكەرلەر ۇبت-دا فيزيكا ەمەس، ينفورماتيكا ءپانىن تاپسىراتىن بولادى، دەپ حابارلايدى Almaty-akshamy.kz
ءبىلىم جانە عىلىم مينيسترلىگىندە اتاپ وتىلگەندەي، IT-باعىتتارى بويىنشا جوو-دا وقىعىسى كەلەتىن تالاپكەرلەر ءۇشىن ۇبت تاپسىرۋ كەزىندە بەيىندى پاندەر تىزبەسىنە «ينفورماتيكا» ءپانىن ەنگىزۋ تۋرالى كوپتەگەن وتىنىشتەر كەلىپ تۇسۋدە.
«وسىعان بايلانىستى مينيسترلىك تالداۋ جۇرگىزىپ، 2022-2023 وقۋ جىلىنان باستاپ «ينفورماتيكا مۇعالىمدەرىن دايارلاۋ»، «اقپاراتتىق تەحنولوگيالار» جانە «اقپاراتتىق قاۋىپسىزدىك» ءبىلىم بەرۋ باعدارلامالارى توپتارىنا تۇسەتىن وقۋشىلار ۇبت-دا ماتەماتيكا مەن فيزيكانىڭ ورنىنا ماتەماتيكا مەن ينفورماتيكا كومبيناسياسىن تاپسىرادى دەپ شەشىم قابىلدادى»، - دەلىنگەن ۆەدومستۆونىڭ حابارلاماسىندا.
بيىلعى وقۋ جىلىندا بەيىندىك ءپان «فيزيكا» بولىپ قالا بەرەدى، بۇل رەتتە تالاپكەرلەردىڭ تاڭداۋى بويىنشا ناۋرىز ايىندا وتەتىن ۇبت كەزىندە دايىندىقتىڭ وسى باعىتتارىنا ءتۇسۋ ءۇشىن «ماتەماتيكا+ينفورماتيكا» كومبيناسياسىن تاڭداۋ وپسياسى قوسىمشا قولجەتىمدى بولادى.