يت اۋلاپ، ەتىن ءدامحاناعا وتكىزگەن

جاعا ۇستاتارلىق جاعداي اقمولا وبلىسىندا بولعان. 

اقمولا وبلىسىندا ەر ادام يتتەردى اۋلاپ، ءدامحانالارعا ساتىپ جۇرگەن. پوليسەيلەر مەن ەلوردالىق ەرىكتىلەر قاسكويدى ۇستادى، دەپ حابارلايدى Almaty-akshamy.kz.

ەرىكتىلەر ساتىپ الۋشى بولىپ تانىسىپ، يت اۋلاۋشىمەن سويلەسكەن جازباسىن الەۋمەتتىك جەلىگە جاريالادى.

ەر ادام تەندەر بويىنشا ونىڭ 18 اۋدانى بار ەكەنىن جانە ودان بىردە-بىر يت قاشىپ كەتپەيتىنىن ايتادى. سونداي-اق يت اۋلاۋشىدان قالانىڭ جارتىسى ەت الاتىنىن جازعان.

«يت اۋلاۋشىنىڭ قورجىنىندا ەتتىڭ كولەمى وتە ۇلكەن. ول ەشكىمنەن قورىقپايتىنى سونشالىق، ول ءبىر جارىم توننادان 700 كيلوگرامم ەت شىققانىن جانە از مولشەردە ساتپايتىنىن ايتتى. ەتتە چيپ نەمەسە وق بولۋى مۇمكىن، سوندىقتان مۇقيات پىسىرىڭىزدەر دەيدى. قاسكوي ۇستالدى، ودان قارۋ-جاراق پەن 750 كەلىدەن استام ءيتتىڭ ەتى تاركىلەندى»، – دەلىنگەن حابارلامادا.

ەرىكتىلەردىڭ ايتۋىنشا، جاۋاپ العاننان كەيىن يت اۋلاۋشى بوساتىلعان.

«يت پەن مىسىقتاردىڭ ەتىن جەۋگە تىيىم سالىنادى جانە بۇل قىلمىستىق كودەكستىڭ 316-بابى («جانۋارلارعا قاتىگەزدىكپەن قاراۋ») بويىنشا قارالادى. ماسەلەگە قۇقىق قورعاۋ ورگاندارى نازار اۋدارادى دەپ ۇمىتتەنەمىز، ويتكەنى وسىنداي جاعداي الماتى وبلىسىنىڭ قاراساي اۋدانىندا بايقالدى، وندا قىلمىستىق ءىس قوزعالادى»، – دەپ جازادى ەرىكتىلەر الەۋمەتتىك جەلىگە.

بەلسەندىلەر يتتەردىڭ ەتىنە تاپسىرىس بەرگەن جانە ءدامحاناعا كەلۋشىلەردىڭ دەنساۋلىعىنا ءقاۋىپ توندىرگەندەر دە قارالۋى ءتيىس دەپ سانايدى.

«اقىر سوڭىندا، قاڭعىباس يتتەر اۋرۋ، قۇتىرعان بولۋى مۇمكىن. ولاردى كىم تەكسەرىپ جاتىر»؟ – دەيدى جانۋارلاردى قورعاۋشىلار.