يسپانيا مەن كانادادا ورتكە بايلانىستى مىڭداعان ادام ءۇيىن تاستاپ كەتۋگە ءماجبۇر بولدى

يسپانيانىڭ تەنەريفە ارالىندا ورتكە بايلانىستى مىڭداعان ادام ۇيلەرىن تاستاپ كەتۋگە ءماجبۇر بولدى.

كانادانىڭ سولتۇستىك جانە باتىس ايماقتارىنداعى ورماندار ورتەنىپ، تۇرعىندار جاپپاي ەۆاكۋاسيالاپ جاتىر. بۇل تۋرالى  Almaty-akshamy.kz ەuronews اگەنتتىگىنە سىلتەمە جاساپ حابارلايدى.

تەنەريفەدە ءورت سالدارىنان 26 مىڭ ادام ۇيلەرىن تاستاپ كەتۋگە ءماجبۇر بولدى. ءورتتىڭ شارپىعان اۋماعى – 5 مىڭ گەكتار جەر. كۇشتى جەل مەن تومەندەمەي تۇرعان تەمپەراتۋرا سالدارىنان ءورت تەز تاراپ جاتىر.

مۇنداي تاۋلى ايماقتا قىزىل جالىنمەن كۇرەسۋ وتە قيىن. ءورتتى اۋەدەن ۇشاقپەن سوندىرۋگە بۋداقتاعان ءتۇتىن كەدەرگى كەلتىرەدى. ەكى تاۋلىك ىشىندە يەللوۋنايفتا 19 مىڭ ادام ەۆاكۋاسيالاندى. بۇل – كانادانىڭ سولتۇستىگىندەگى قالانىڭ بارلىق تۇرعىنىنا جۋىعى. ولاردىڭ 15 مىڭى جالىن شارپىعان ايماقتان اۆتوكولىكپەن كەتسە، 3 800 تۇرعىن اۋە ارقىلى ەۆاكۋاسيالانعان. ادامداردى كورشىلەس پروۆينسيالار قابىلداپ، قوناقۇيلەرگە ورنالاستىرىپ جاتىر.

جالىنمەن كۇرەسۋگە 300 ءورت ءسوندىرۋشى جۇمىلدىرىلعان. كانادا تاريحىندا ءورت ەڭ كوپ بولعان وسى ماۋسىم كەزىندە 14 ميلليون گەكتار جەر ورتەنىپ كەتكەن. بۇل 1989 جىلعى رەكوردتان ەكى ەسە كوپ. ال ماۋسىم ءالى اياقتالعان جوق.