ديەتولوگ ىرىمشىكتى بەلگىلى ءبىر مولشەردە عانا جەۋگە كەڭەس بەرەدى
ماماندار بۇل ءونىمدى ءجيى تۇتىنۋ ءبىرقاتار اۋرۋلارعا اكەلۋى مۇمكىن دەيدى. ىرىمشىكتى بەلگىلى ءبىر مولشەردە قولدانۋ ادام دەنساۋلىعى ءۇشىن پايدالى، الايدا كۇندەلىكتى تۇتىنۋ كەزىندە ونى نورماسىنان ارتىق پايدالانعان كەزدە، دەنساۋلىققا زيانىن دا تيگىزۋى مۇمكىن. بۇل تۋرالى Almaty-akshamy.kz ءتىلشىسى رەن-تۆ سايتىنا سىلتەمە جاساپ حابارايدى.
ىرىمشىكتىڭ زيانى قانداي؟
ىرىمشىكتى كۇن سايىن قولدانۋ جۇرەك-قان تامىرلارى اۋرۋلارىنىڭ دامۋىنا، ءبىرىنشى كەزەكتە، اتەروسكلەروزعا اكەلۋى مۇمكىن ەكەنىن سپبگۋ مەديسينالىق فاكۋلتەتىنىڭ دوسەنتى، مەديسينا عىلىمدارىنىڭ كانديداتى، ديەتولوگ دارىگەر اندرەي بوبروۆسكيي ەسكەرتتى.
ونىڭ ۇستىنە، دارىگەردىڭ ايتۋىنشا، ىرىمشىكتى شەكتەن تىس قولدانۋ باسقا دا اۋرۋلاردىڭ دامۋىنا اسەر ەتۋى مۇمكىن.
«نەسەپ-تاس اۋرۋى مەن گيپەرتونيا ىرىمشىكتى ەش ويلانباي كوپ تۇتىنۋدان بولۋى مۇمكىن. سونىمەن قاتار، ىرىمشىكتىڭ كوپتەگەن تۇرلەرىندە تۇزدىڭ مولشەرى كوپ بولادى، ال بۇل كوپتەگەن اۋرۋلاردىڭ اسقىنۋى ءۇشىن تريگگەر بولىپ سانالادى»، - دەدى اندرەي بوبروۆسكيي.
ديەتولوگ كۇنىنە 100-150 گرامم سىر قولدانۋعا بولاتىنىن ەسكەرتتى. ءونىمدى وسىنشا مولشەردە پايدالانۋ دەنساۋلىققا زيانسىز.
ءونىمنىڭ پايداسى
ديەتولوگتىڭ ايتۋىنشا، رەسەيلىكتەر ىرىمشىكتى كوپ تۇتىنادى. ءبىزدىڭ ەلدە دە دۇكەن سورەلەرىندە بۇل ءونىمنىڭ بىرنەشە ءتۇرى بار. سوعان قاراعاندا ونى قولداناتىندار از ەمەس. ىرىمشىك اقۋىزعا جانە امينقىشقىلدارعا باي كەلەدى، تەز قورىتىلادى جانە جالپى اعزانىڭ جۇمىسىنا پايداسى مول.
ونىڭ ۇستىنە، دارىگەردىڭ ايتۋىنشا، بۇل ءونىمدى، اسىرەسە، قىستا تۇتىنعان پايدالى. سەبەبى ونىڭ قۇرامىندا B توبىنىڭ دارۋمەندەرى بار.
«ءتۇن ۇزارا تۇسكەن قىس ايلارىندا، ياعني كۇن جارىعى ازايعان شاقتا - بۇل قاڭتار جانە اقپان ايلارى - B12 دارۋمەنى ۇيقى ءريتمىن قالىپقا كەلتىرەدى، كۇننىڭ جەتىسپەۋشىلىگىمەن بايلانىستى دەپرەسسيانىڭ الدىن الۋ قۇرالى رەتىندە پايدالى بولىپ كەلەدى»، - دەپ ءتۇسىندىردى ساراپشى.
