اۋىل شارۋاشىلىعى مينيسترلىگى ءىرى قارا مالعا قاتىستى ستاتيستيكانى قايتا جاڭارتتى، دەپ حابارلايدى اlmaty-akshamy.kz.
مينيسترلىك اۋىل شارۋاشىلىعىن دامىتۋداعى جۇيەلى پروبلەمالىق ماسەلەلەردىڭ ءبىرى رەتىندە جالعان ستاتيستيكانى اتاپ وتەدى. ياعني قالا، كەنت جانە اۋىلدىق وكرۋگ اكىمدەرى جۇرگىزەتىن شارۋاشىلىق ەسەبى نەگىزىندە سالالىق ستاتيستيكانىڭ بۇرمالانىپ كەتەدى. سونىڭ سالدارىنان ەلىمىزدەگى ءىرى قارا مالدىڭ سانى شامامەن 2 ملن باسقا قىسقاردى.
سالانىڭ ءتيىمدى جۇمىسىن قامتاماسىز ەتۋ ماقساتىندا اۋىل شارۋاشىلىعى مينيسترلىگى مال شارۋاشىلىعى سالاسىنداعى ستاتيستيكالىق دەرەكتەردى سايكەستەندىرۋ جۇمىستارىن اياقتاعان.
2024 جىلعى 1 قاڭتارداعى جاعداي بويىنشا اۋىل شارۋاشىلىعىنداعى مال سانى باعىتىنداعى ءار شارۋاشىلىق بويىنشا ەلەكتروندىق ەسەپكە الۋ دەرەكتەرىن وزەكتەندىرۋ ناتيجەسىندە اۋىل شارۋاشىلىعى كاسىپورىندارىن قوسا العاندا، ءىرى قارا مال سانى شامامەن 2 ملن باسقا، ءسۇت ءوندىرىسى 3 ملن تونناعا، قوي سانى 14%-عا، ەشكى 20%-عا، شوشقا 34%-عا، ءۇي قۇسى 22%-عا، ەت ءوندىرىسى 15%-عا، تاۋىق جۇمىرتقاسى 10%-عا قىسقاردى، – دەلىنگەن اشم حابارلاماسىندا.
ءتيىستى دەرەكتەر جوسپارلاۋ مەن ىشكى نارىقتى رەتتەۋ بويىنشا شەشىمدەر قابىلداۋ ساپاسىن ارتتىرادى. ءدال وسىنداي جۇمىستار وسىمدىك شارۋاشىلىعىندا دا جۇرگىزىلىپ جاتىر. ونى 2024 جىلدىڭ تامىزىنا دەيىن اياقتاۋ جوسپارلانعان.