تۇركىستان وبلىسىندا ءىرى مولشەردە ەسىرتكى ساتقان كۇدىكتى ۇستالدى، – دەپ حابارلايدى اlmaty-akshamy.kz Polisia.kz-كە سىلتەمە جاساپ.
پوليسەيلەر ساۋران اۋدانىنىڭ 44 جاستاعى تۇرعىنىن ءىرى كولەمدە ەسىرتكى ساتتى دەگەن كۇدىكپەن ۇستادى. جەدەل-ىزدەستىرۋ ءىس-شارالارى بارىسىندا تۇركىستان وبلىسى پد ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى كۇدىكتىنى ۇستاپ، ودان شامامەن 70 گرامم ماريحۋانا تاركىلەدى. سونىمەن قاتار پوليسيا ەر ادامنىڭ ءۇيىن ءتىنتۋ كەزىندە قۇرامىندا ەسىرتكىسى بار وسىمدىكتىڭ تۇقىمى سالىنعان 2 سىرىڭكە قورابى، ەسىرتكىنى قولدانۋعا ارنالعان قۇرال مەن باسقا دا زاتتاي دالەلدەردى تاپتى.
قازىرگى ۋاقىتتا ەسىرتكى زاتتارىن وتكىزۋ فاكتىسى بويىنشا سوتقا دەيىنگى تەرگەۋ جۇرگىزىلىپ، كۇدىكتى قاماۋعا الىندى. بارلىق ءمان-جاي انىقتالىپ جاتىر.