«الماتى – ءبىزدىڭ ورتاق ءۇيىمىز» اكسياسى اياسىندا وسكەلەڭ ۇرپاقتى تابيعي رەسۋرستارعا جاۋاپكەرشىلىكپەن قاراۋعا تاربيەلەۋگە باعىتتالعان تانىمدىق جوبا ىسكە قوسىلدى.
جوباعا قاتىسۋشىلار تاجىريبەلى گيدتەردىڭ جەتەكشىلىگىمەن ەكوتۋريزم نەگىزدەرى بويىنشا تەگىن وقۋدان وتۋگە، ايماقتىڭ باي بيوارتۇرلىلىگىمەن تانىسۋعا جانە ونى ساقتاۋدىڭ ءتيىمدى ادىستەرىن مەڭگەرۋگە مۇمكىندىك الادى، دەپ حابارلايدى اlmaty-akshamy.kz.
وقىتۋ ونلاين رەجيمىندە اپتاسىنا 3 رەت 2 اكادەميالىق ساعاتتان جۇرگىزىلەدى: كۋرس باعدارلاماسى قاتىسۋشىلارعا ىڭعايلى ۋاقىتتا ءوز بەتىنشە وقۋعا ارنالعان «ەكولوگيالىق ءومىر سالتى»، «ەكومارشرۋتتاردا نەنى ءبىلۋ جانە نە ىستەۋ كەرەك»، «تابيعات جانە ادامدار» اتتى ءۇش مودۋلدەن تۇرادى:
كۋرستى اياقتاعاننان كەيىن قاتىسۋشىلار تاجىريبەلى گيدتەردىڭ جەتەكشىلىگىمەن 14 مامىردان 30 شىلدەگە دەيىن ءۇش پراكتيكالىق وقۋ ساپارىنا قاتىسا الادى. جوبا اياقتالعاننان كەيىن قاتىسۋشىلار IRBIS ALMATY ەكوتۋريستىك سەرتيفيكاتىن الادى، ال ولاردىڭ ۇزدىكتەرى 2024 جىلدىڭ قىركۇيەگىندە وتەتىن تۋريستىك رالليدە ماراپاتتالادى.
«الماتى-2024» الپينيادا (turclub.kz) سايتىندا تىركەۋ اشىق. باستاما ەكولوگيالىق ءبىلىم، ەكولوگيالىق مەنەدجمەنت جانە بەلسەندى تۋريزم سالاسىنداعى كۇش-جىگەردى بىرىكتىرۋگە ارنالعان، ونىڭ نەگىزگى ماقساتى قورشاعان ورتامەن جاۋاپتى جانە تۇراقتى ءوزارا ارەكەتتەسۋگە دايىن كوشباسشىلاردىڭ جاڭا بۋىنىن دايىنداۋ بولىپ تابىلادى.