يران 7 قازان كۇنى تاڭەرتەڭگە دەيىن اۋە قاتىناسىنا بۇرىن ەنگىزىلگەن شەكتەۋلەردى الىپ تاستادى، دەپ حابارلايدى aqshamnews.kz.
بۇل تۋرالى يسلام رەسپۋبليكاسىنىڭ ازاماتتىق اۆياسيا ۇيىمىنىڭ وكىلى دجافار يازەرلۋ مالىمدەدى، دەپ جازادى تاسس.
— وپەراسيالىق كەدەرگىلەردىڭ جويىلۋىنا بايلانىستى اۋە رەيستەرىنە بۇرىن جاريالانعان شەكتەۋلەر جويىلدى. بۇگىن 23:00–دەن باستاپ (استانا ۋاقىتى بويىنشا 00:30) رەيستەر ادەتتەگىدەي ورىندالىپ جاتىر، — دەدى دجافار يازەرلۋ IRNA اگەنتتىگىنە.
بۇعان دەيىن حابارلاعانىمىزداي، يراننىڭ ازاماتتىق اۆياسيا ۇيىمى 6 قازان كۇنگى ساعات 22:30–دان 7 قازان كۇنگى 07:30–عا دەيىن ەلدەگى بارلىق اۋەجايلاردان رەيستەردى توقتاتقان.
بۇعان دەيىن ءيزرايلدىڭ بەيرۋتكە جاڭا شابۋىلدار جاساعانى حابارلانعان بولاتىن.
ايتا كەتەيىك، يران يزرايلگە زىمىراندار ۇشىردى. يەمەن دە پالەستينا مەن ليۆاندى قولداپ، تەل-اۆيۆتەگى ءيزرايلدىڭ اسكەري نىساناسىنا شابۋىل جاساۋ ءۇشىن يافا ۇشقىشسىز ۇشاعىن پايدالاندى.
يزرايل ءوز كەزەگىندە يراننان كەك الۋعا ۋادە بەردى.