ينتەرنەت-دۇكەن لايك قويعانعا اقشا تولەي مە؟

پايدالانۋشىلار Flip.kz دۇكەنىندە بەلگىلى ءبىر تاۋارلارعا لايك قويىپ، ول ءۇشىن اقشا الا الادى ەكەن.

WhatsApp مەسسەندجەرىندە قازاقستاندىقتارعا Flip.kz ءىرى ينتەرنەت دۇكەننىڭ تاۋارلارىنا لايك قويىپ، كۇن سايىن 20 000-60 000 تەڭگەگە دەيىن تابىس تابۋ تۋرالى ۇسىنىسپەن حابارلامالار كەلىپ تۇسۋدە. بۇل وتىرىك، ، دەپ حابارلايدى Almaty-akshamy.kz

وسى ىس-ارەكەتتەرى ءۇشىن قازاقستاندىقتارعا كۇنىنە 20 مىڭ تەڭگەدەن 60 مىڭ تەڭگەگە دەيىن اقى تولەنبەك. تولەمدەردى الۋ ءۇشىن كودتى بەلگىسىز ادامعا Telegram ارقىلى جىبەرۋ كەرەك.

Flip.kz-تە مۇنداي ۇسىنىستار جوق.

«بۇل الاياقتار. ءبىزدىڭ اتىمىزدى پايدالانعان ءۇشىنشى تاراپتىڭ سايتتارىندا ەشقانداي دەرەكتەردى قالدىرماۋلارىڭىزدى سۇرايمىز. ءبىزدىڭ www.flip.kz دەگەن سايتىمىز عانا بار. بارلىق وزەكتى بوس جۇمىس ورىندارىمەن سايتتا نەمەسە hh.kz قوسىمشاسىنان تانىسا الاسىزدار»، – دەپ حابارلادى ونلاين-دۇكەننىڭ تۇتىنۋشىلاردى قولداۋ قىزمەتىنەن.

ەستەرىڭىزگە سالا كەتەيىك، قاۋىپسىزدىك ماقساتىندا ءۇشىنشى تۇلعالارعا سمس-كودتار مەن پارولدەردى حابارلاۋعا بولمايدى. الاياقتار ونى ءبىلىپ الىپ، ءسىزدىڭ اقشاڭىزدى يەمدەنۋى نەمەسە  ءسىزدىڭ اتىڭىزدان نەسيە الۋى مۇمكىن.