جەدەل-ىزدەستىرۋ ءىس-شارالارى بارىسىندا ينتەرنەت-الاياقتارعا كومەكتەسىپ، جابىرلەنۋشىلەردىڭ اقشالارىن جىمقىراتىن قىلمىستىق توپتار انىقتالدى، دەپ حابارلايدى aqshamnews.kz Polisia.kz-كە سىلتەمە جاساپ.
ارنايى وپەراسيانى جەتىسۋ وبلىسى پد كيبەرپول قىزمەتكەرلەرى قاراعاندىلىق جانە سولتۇستىكقازاقستاندىق ارىپتەستەرىمەن بىرلەسىپ، ق ر ءىىم كيبەرقىلمىسقا قارسى كۇرەس ورتالىعى، سونداي-اق ءوڭىر پروكۋراتۋراسىنىڭ ۇيلەستىرۋىمەن جۇرگىزدى.
– ءتىنتۋ بارىسىندا 35 ۇيالى تەلەفون، 135 سيم-كارتا، 2 پنيەۆماتيكالىق تاپانشا جانە 3 قىمبات كولىك تاركىلەندى. بۇگىنگى تاڭدا 80 جابىرلەنۋشى انىقتالدى، ولاردىڭ شىعىنى 100 ملن تەڭگەدەن اسادى. تاركىلەنگەن ءموبيلدى قۇرىلعىلاردى تالداۋ جالعاسۋدا جانە جابىرلەنۋشىلەر سانى مەن كەلتىرىلگەن زالال سوماسى ايتارلىقتاي ءوسۋى مۇمكىن، – دەپ اتاپ ءوتتى پد باستىعىنىڭ ورىنباسارى ەلدار ابديكەنوۆ.
قازىرگى ۋاقىتتا وسى قىلمىستىق ءىس بويىنشا تەرگەۋ ارەكەتتەرى جۇرگىزىلىپ جاتىر. تاركىلەنگەن ءموبيلدى قۇرىلعىلاردا بانكتىك قوسىمشالار بار، ولاردىڭ كومەگىمەن قاسكويلەر ينتەرنەت-الاياقتىقتىڭ قۇربانى بولعان ازاماتتاردىڭ قاراجاتىن جىمقىرعان. پوليسەيلەر ازاماتتاردى قىراعى بولۋعا جانە جەكە دەرەكتەردى باسقا ادامدارعا بەرمەۋگە، تەلەفوندارعا بەلگىسىز قوسىمشالار ورناتپاۋعا شاقىرادى. سونىمەن قاتار ينتەرنەتتەگى قارجىلىق وپەراسيالاردى جۇرگىزۋ كەزىندە ساق بولۋدى ەسكەرتەدى. ەگەر ءسىز الاياقتىقتىڭ قۇربانى بولدىم دەپ كۇدىكتەنسەڭىز، بۇل تۋرالى دەرەۋ قۇقىق قورعاۋ ورگاندارىنا حابارلاڭىز.