اككى الاياقتاردىڭ ارەكەتىنەن 31 مىڭنان اسا ازامات جاپا شەكتى
بىلتىر قارجىلىق پيراميدا قۇرعان 126 ادام قىلمىستىق جاۋاپكەرشىلىككە تارتىلدى. ونىڭ 38ء-ى ءتيىستى جازاسىن الدى. بۇل جايىندا ىشكى ىستەر مينيسترلىگى مالىمدەدى، دەپ حابارلايدى Almaty-akshamy.kz.
قالعان فاكتى بويىنشا سوت ءىسى ءجۇرىپ جاتىر. اككى الاياقتاردىڭ ارەكەتىنەن 31 مىڭنان اسا ازامات جاپا شەكتى. جالپى شىعىن كولەمى – 54 ملرد تەڭگە.
بىلتىر ينتەرنەت-الاياقتارعا الدانىپ سان سوعىپ قالعاندار كوبەيگەن. 915 كۇدىكتىنىڭ قىلمىسى اشكەرە بولىپ، 26 مىڭنان اسا ءىس قوزعالدى. وسىعان بايلانىستى پوليسيا وكىلدەرى تۇرعىنداردى «وڭاي ءارى تەز اقشا تابۋعا شاقىراتىن جارناماعا» ءمان بەرمەۋگە شاقىرادى. سونىمەن قاتار كەز كەلگەن قۇجاتقا قول قوياردا شارتىن مۇقيات وقىپ الۋعا كەڭەس بەرەدى.