الماتى تەحنولوگيالىق ۋنيۆەرسيتەتىنىڭ رەكتورى ت.قۇلاجانوۆتىڭ الەۋمەت الدىنداعى ەسەپتىك كەزدەسۋى كەزىندە نەگىزگى وي وسى تاقىلەتتەس ءوربىدى. رەكتور الماتى تەحنولوگيالىق ۋنيۆەرسيتەتىنىڭ وتكەن وقۋ جىلىنىڭ ەسەبى مەن كەلەر وقۋ جىلىنىڭ ستراتەگيالىق جوسپارلارىن ورتاعا سالدى.
تەحنولوگيالىق ۋنيۆەرسيتەتتىڭ ءبىلىم بەرۋدەگى تيىمدىلىگى مەن جوعارى ساپاسىنا ۇلتتىق رەيتينگتەردەن تۇسپەي كەلە جاتقاندىعىنان-اق بەلگىلى. سوڭعى جىلدارى اتۋ حالىقارالىق ءبىلىم بەرۋ تورابىنا ينتەگراسيا جاساپ جاتىر. ول الەمدىك دەڭگەيدەگى توپ–500 ۇزدىك وقۋ وردالارىمەن سەرىكتەستىك ورناتتى. تاجىريبە جانە الدىڭعى قاتارلى يننوۆاسيالىق ءبىلىم تەحنولوگيالارىن الماسۋ، ديداكتيكالىق مودەلدەر تانۋدا ساتىلاپ دامىپ كەلەدى. سوڭعى 2 جىلدا 42 سىنىپ جابدىقتالىپتى.
رەكتوردىڭ ايتۋىنشا، وسى وقۋ جىلىندا پروفەسسورلىق-وقىتۋشىلار قۇرامى مەن قىزمەتكەرلەر وتەتىن پانىنە ساي بىلىكتىلىك تالاپتارىنا ساي قىزمەت كورسەتتى. بيىل ولاردىڭ جالاقىلارى پايىزدىق مولشەردە وسكەنىن ءمالىم ەتتى. ەسەپ بەرۋ كەزىندە پروفەسسورلىق-وقىتۋشىلىق قۇرامنىڭ جىل بويى العان جەتىستىكتەرى مەن ماراپاتتارى دا اتاپ ءوتىلدى. ۋنيۆەرسيتەت وقىتۋشىلىق قۇرامدى ۇزدىكسىز بىلىكتىلىگىن كوتەرۋ كۋرستارىنا جىبەرىپ، جازعى مەكتەپكە قاتىستىرىپ، ءتۇرلى شەتەلدىك تاعىلىمدامالار مەن كۋرستارعا جىبەرۋدى ۇيىمداتىرىپ وتىراتىندىعى تىلگە تيەك بولدى. تەحنولوگيالىق سالا بويىنشا عىلىمي-يننوۆاسيالىق جوبالار جۇزەگە اسىرىلدى. جالپى العاندا ەلىمىزدىڭ كەلەشەگىنە عىلىمي-زەرتتەۋ، عىلىمي-يننوۆاسيا سالالارى بويىنشا بۇل ۋنيۆەرسيتەت تۇلەكتەرىنىڭ قوسار ۇلەسى زور بولماق.
ۋنيۆەرسيتەتتىڭ 2025 جىلعا دەيىنگى ستراتەگيالىق جوسپارىندا باستى باعىتتار ايقىندالعان. ولاردىڭ قاتارىندا ەلىمىزدىڭ ەكونوميكا سالاسىن باسەكەگە قابىلەتتى كادرلارمەن قامتاماسىز ەتۋ؛ الەمدىك تەندەنسيالارعا ساي ءبىلىم بەرۋدى مودەرنيزاسيالاۋ؛ ەلدىڭ يندۋستريالدى مۇددەسىنە عىلىمي تۇرعىدا ۇلەس قوسۋىن قامتاماسىز ەتۋ كوزدەلگەن. بولاشاقتا QS رەيتينگى بويىنشا شىعىس ەۋروپا مەن ورتالىق ازيا ەلدەرىندە توپ – 100 حالىقارالىق رەيتينگكە ەنۋ جانە ۋنيۆەرسيتەتتەر اراسىنداعى توپ – 1000 الەمدىك QS رەيتينگىنە ەنۋ 2025 جىلعا دەيىن جوسپارلانىپ وتىر.
رەكتوردىڭ بايانداۋىنان كەيىن ءبىرشاما ستۋدەنتتەر سۇراق قويدى. رەكتوردان ساۋالدارىنا جاۋاپ الدى. بۇدان بولەك قامقورشىلىق كەڭەستىڭ ءتورايىمى م.سابرالييەۆا ءسوز الىپ، قامقورشىلىق كەڭەستىڭ مۇشەسى بولعان 25 كومپانيانىڭ باسشىلارىنىڭ ونلاين لەكسيا وقىپ، ستۋدەنتتەرگە باعىت-باعدار بەرۋگە دايارلىعىن ەرەكشە اتاپ ءوتىپ، ولارعا العىس ءبىلدىردى. كەزدەسۋگە اۋەزوۆ اۋدانى اكىمىنىڭ ورىنباسارى داستان قايرات ۇلى قاتىسىپ، ءوز تىلەكتەستىگىن ءبىلدىردى. قامقورشىلىق كەڭەستىڭ مۇشەسى وتەگەنوۆا عاليا پارحاتوۆنا جۇمىس بەرۋشىلەر مەن اتۋ-دىڭ اراسىنداعى سەرىكتەستىككە رازىلىعىن ءبىلدىردى، جاس مامانداردى دايارلاۋ ىسىنە تىكەلەي ارالاسۋعا مۇمكىندىك بەرىپ وتىرعان ۋنيۆەرسيتەت باسشىلىعىنا العىس ايتتى. ستۋدەنتتەردىڭ اتا-انالارى اتىنان ەمرەيەۆا اكمارال ەرۇلان قىزى جانە تۇرعىنبايەۆا گۇلزادا مالاي قىزى العىستارىن ايتتى. 3 كۋرس ستۋدەنتى تاپالوۆ ديماش جانە ن.نازاربايەۆ اتىنداعى قوردىڭ ستيپەندياتى، 4 كۋرس ستۋدەنتى كارابايەۆا ايىمگۋل – اتۋ-عا العان بىلىمدەرى مەن سونى ۇسىنىس-يدەيالارعا اشىقتىعى ءۇشىن ءوز العىستارىن بايان ەتتى.