الماتى قالاسىنداعى ينجەنەرلىك ينفراقۇرىلىمنىڭ جاي-كۇيى دە پرەزيدەنت نازارىنان تىس قالمادى، دەپ حابارلايدى Almaty-akshamy.kz.
مەملەكەت باسشىسىنىڭ ايتۋىنشا، ەلىمىزدەگى ەڭ باستى سىن-قاتەردىڭ ءبىرى – ساپالى اۋىزسۋمەن قامتاماسىز ەتۋ. تاجىريبە كورسەتكەندەي، الماتىدا دا بۇل تۇرعىدا جاعداي ءماز ەمەس. پرەزيدەنتتىڭ ايتۋىنشا، شاھاردا سۋدىڭ ۇزدىكسىز بەرىلۋىنە كەدەرگى كەلتىرەتىن اپاتتى جاعدايلار تىم جيىلەپ كەتۋى سۋمەن قامتاماسىز ەتۋ سالاسىنداعى پروبلەمالاردى كەزەك كۇتتىرمەي شەشۋ قاجەت ەكەنىن كورسەتەدى. قاسىم-جومارت توقايەۆ سوڭعى كەزدە سەل ءجۇرىپ، وزەن سۋلارىنىڭ لايلانۋى جيىلەپ كەتكەنى الاڭداۋشىلىق تۋعىزاتىنىن ايتتى. سونىڭ سالدارىنان شىلدە ايىنىڭ سوڭىندا كوممۋنالدىق قىزمەتتەر قالانىڭ جوعارعى بولىگىندەگى اۋدان تۇرعىندارىنا سۋ بەرۋدى شەكتەۋگە ءماجبۇر بولدى. مەدەۋ اۋدانىنداعى 50 كوپپاتەرلى ءۇي مەن 4 مىڭنان استام جەكە تۇرعىن ءۇي سۋسىز قالدى. بۇل تۇرعىنداردىڭ ورىندى نارازىلىعىن تۋعىزدى. پرەزيدەنت ەلىمىزدىڭ ەڭ ۇلكەن شاھارىنداعى سۋ شارۋاشىلىعىن رەتكە كەلتىرۋ ءۇشىن اتقارىلۋعا ءتيىس نەگىزگى مىندەتتەردى ايقىنداپ بەردى.
اتاپ ايتقاندا، ۇكىمەت پەن قالا اكىمدىگىنە مەردىگەرلەردىڭ كىناسىنەن كەشىكتىرىلگەن قارعالى سۋ جيناقتاۋ نىسانىن بيىل قازان ايىنىڭ سوڭىنا دەيىن پايدالانۋعا بەرۋ؛
قالانىڭ سۋ شارۋاشىلىعىنا تولىق تەكسەرىس جاساۋ جانە الماتىنىڭ جوعارعى بولىگىن سۋمەن تولىق قامتۋ ءۇشىن جەراستى سۋ كوزدەرىنە گيدروگەولوگيالىق بارلاۋ جۇمىستارىن جۇرگىزۋ،
سونداي-اق «بالقاش» ستانسياسىنداعى رەزەرۆۋار مەن ءتورت سكۆاجينانىڭ قۇرىلىسىن اياقتاۋ مىندەتتەرى جۇكتەلدى.