الماتىلىق ەپيدەميولوگتار ءقاۋىپتى ىندەتتىڭ ءبىرشاما تومەندەگەنىن اتاپ ءوتتى. ءبىراق ولار بوساڭسىماۋعا شاقىرىپ، ۆاكسينا الۋدى كۇشەيتۋ كەرەكتىگىن ەسكەرتتى
قالالىق سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا وڭىرلىك كوممۋنيكاسيالار قىزمەتىندە وتكەن بريفينگتە ۆيرۋستىڭ ءالى جويىلمايتىنىن، كۇن سايىن 420-دان استام جاڭا جۇقتىرۋشىلاردىڭ تىركەلەتىنىن باسا ايتتى، دەپ حابارلايدى Almaty-akshamy.kz.
ءا.قالىقوۆانىڭ ايتۋىنشا، الماتىداعى قازىرگى جاعداي پەسسيميستىك بولجامعا سايكەس كەلەدى. مىسالى، سوڭعى تاۋلىكتە كوروناۆيرۋس ينفەكسياسىن جۇقتىرعان 426 جاعداي تىركەلدى. ال ەپيدەميولوگيالىق جاعدايدى باعالاۋ ماتريساسىندا قالا «قىزىل ايماقتا» تۇر.
"COVID–19 قوزدىرعىشىنىڭ "دەلتا" پاتوگەندىلىگىنىڭ تومەندەۋ ءۇردىسى بايقالدى. بۇعان "سيمپتومدىق" ناۋقاستاردىڭ ۇلەس سالماعىنىڭ قىركۇيەكتىڭ باسىنداعى 96%-دان 27 قىركۇيەككە 92%-عا دەيىن تومەندەۋى دالەل. قازان ايىندا كۆي جۇقتىرۋشىلاردىڭ سانى تاۋلىگىنە 40-تان 100-گە دەيىنگى ارالىقتى كورسەتىپ، وسىلايشا تومەندەۋى مۇمكىن دەپ بولجانۋدا"، – دەپ حابارلادى سانيتارلىق-ەپيدەميولوگيالىق ۆەدومستۆو باسشىسىنىڭ ورىنباسارى.
بۇل رەتتە شاھارداعى قازىرگى ەپيدەميولوگيالىق جاعداي بويىنشا قالا تۇرعىندارىنىڭ يممۋندىق دەڭگەيى 50%-عا جەتتى. رەسمي مالىمەت بويىنشا حالىقتىڭ 43%-ى ۆاكسينانىڭ ەكىنشى كومپونەنتىن السا، + 7%-ى جىل باسىنان بەرى ساۋىعىپ كەتكەندەر.
ءا. قالىقوۆا الماتىلىقتاردىڭ بوساڭسۋعا بولمايتىنىن اتاپ ءوتتى. ويتكەنى ءقاۋىپ تولىعىمەن سەيىلگەن جوق. كوروناۆيرۋستىڭ جاڭا نۇسقالارى تارالۋدا.
«COVID-19 اۋرۋىنىڭ پلاتوعا جەتۋى پاندەميا اياقتالدى دەگەندى بىلدىرمەيدى. بۇگىندە ينفەكسيالىق پروسەستى توقتاتۋدىڭ ەڭ تىكەلەي ءارى جىلدام ءتاسىلى – تەك ۆاكسينالاۋ»، – دەپ قورىتىندىلادى ءسوزىن ءا. قالىقوۆا.
ايتا كەتسەك، وتكەن تاۋلىكتە الماتىدا 2324 ادامعا ءبىرىنشى كومپونەنت، 4636 ادام ەكىنشى كومپونەنتتى ەكتى. بارلىعى 2021 جىلدىڭ 1 اقپانىنان 28 قىركۇيەگىنە دەيىن 948 526 ادام ءبىرىنشى كومپونەنتتى، 851 423 ادام ەكىنشى كومپونەنتتى الدى. ۆاكسينالانعانداردىڭ ىشىندە 60 جاستان اسقان ادامدار 117 969 ادامعا جەتتى.
ەسكە سالساق، قالادا مەديسينالىق ۇيىمداردا، مەكتەپ، مادەنيەت جانە سپورت نىساندارىندا، بازار مەن ساۋدا ويىن-ساۋىق ورتالىقتارىندا 160 ەكپە پۋنكتى جۇمىس ىستەيدى.