13 مىڭ تۇرعىن ەۆاكۋاسيالاندى
يندونەزيانىڭ باتىسىنداعى باتىس سۋماترا پروۆينسياسىندا بولعان 6،1 بالدىق جەر سىلكىنىسى سالدارىنان كەمىندە 10 ادام قازا تاۋىپ، تاعى 13 مىڭعا جۋىق ادام ۇيلەرىن تاستاپ كەتۋگە ءماجبۇر بولدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قازا تاپقانداردىڭ سانى 10-عا جەتتى، تاعى بەسەۋى ءىز-تۇزسىز جوعالدى، - دەدى باتىس سۋماترا ىزدەۋ جانە قۇتقارۋ قىزمەتىنىڭ باسشىسى وكتاۆيانتو.
ونىڭ ايتۋىنشا، ىزدەستىرۋ جۇمىستارىنا قالىڭ لاي ماسساسى، سونداي-اق جەر سىلكىنىسى ءقاۋىپ ءتوندىرىپ تۇر.
سينحۋا اگەنتتىگىنىڭ دەرەكتەرىنە سۇيەنسەك، يندونەزيانىڭ مەتەورولوگيا، كليماتولوگيا جانە گەوفيزيكا اگەنتتىگىنىڭ مالىمەتىنشە، جەر سىلكىنىسىنەن پاسامان جانە پاسامان بارات اۋداندارى ەڭ كوپ زارداپ شەككەن.
- 27 اقپانداعى جاعداي بويىنشا ەۆاكۋاسيالانعاندار سانى 13 مىڭعا جەتتى، - دەپ حابارلايدى باتىس سۋماترا پروۆينسياسىنىڭ تابيعي اپاتتاردى باسقارۋ اگەنتتىگىنىڭ جەدەل ارەكەت ەتۋ ءبولىمىنىڭ باسشىسى دجۋمايدي.
ونىڭ ايتۋىنشا، قازىرگى ۋاقىتتا بوسقىندار 35-تەن استام ەۆاكۋاسيالاۋ پۋنكتتەرىنە جەتكىزگەن. زارداپ شەككەن ايماقتارعا گۋمانيتارلىق كومەك كورسەتىلىپ جاتىر.