قازاقستاننىڭ ءبىرىنشى، الەمنىڭ 20-راكەتكاسى ەلەنا رىباكينا ينديان-ۋەللس WTA 1000 ءتۋرنيرىنىڭ شيرەك فينالىندا
قازاقستاندىق تەننيسشى ءتورتىنشى اينالىمدا الەمنىڭ 51-راكەتكاسى، شۆەيساريالىق ۆيكتوريا گولۋبيچپەن كەزدەستى، دەپ حابارلايدى Almaty-akshamy.kz ۇلتتىق وليمپيادا كوميتەتىنە سىلتەمە جاساپ.
جۇلدە قورى 8،4 ملن اقش دوللارىنا باعالانعان وسى جارىستىڭ ەكىنشى اينالىمىندا شۆەيساريالىق سپورتشى تاعى ءبىر قازاقستاندىق يۋليا پۋتينسيەۆانى تارتىستى ويىندا جەڭىپ كەتكەن بولاتىن. يۋ.پۋتينسيەۆانىڭ كەتكەن ەسەسىن ە.رىباكينا قايتاردى. ول ساعات جارىمداي ۋاقىتقا سوزىلعان ماچتا قارسىلاسىن 7:6 (7:5)، 6:3 ەسەبىمەن قاپى قالدىردى. ەلەنا 5 ەيس جاساپ، 3 برەيك-پوينتتى تۇگەلدەي پايدالاندى. گولۋبيچ 2 برەيك-پوينتتىڭ بىرەۋىن عانا ءوز ەسەبىنە جازا الدى.
رىباكينا جارتىلاي فينالعا شىعۋ ءۇشىن الەمنىڭ 6-راكەتكاسى، گرەكيالىق ماريا ساككاريمەن تالاسادى