يمميگرانتتار ەرەجەسىنە وزگەرىس ەنگىزىلدى

بۇل تۋرالى ۇكىمەت قاۋلىسى 27 قاڭتاردا كۇشىنە ەنەدى.   

ق ر ۇكىمەتىنىڭ قاۋلىسىمەن كوشىپ كەلۋشىلەردىڭ قازاقستان رەسپۋبليكاسىنا كەلۋ جانە بولۋ، سونداي-اق ولاردىڭ قازاقستان رەسپۋبليكاسىنان كەتۋ قاعيدالارىنا جانە كوشى-قون باقىلاۋىن ىسكە اسىرۋ قاعيدالارىنا وزگەرىستەر ەنگىزىلدى، دەپ حابارلايدى Almaty-akshamy.kz

سونىڭ ىشىندە كوشىپ كەلۋشىلەردىڭ قازاقستان رەسپۋبليكاسىندا بولۋىنىڭ رۇقسات ەتىلگەن مەرزىمىنە وزگەرىس ەنگىزىلگەن.

قازاقستاندا بولۋدىڭ رۇقسات ەتىلگەن مەرزىمى:

ەگەر قازاقستان رەسپۋبليكاسىنىڭ ءتيىستى تاراپپەن جاساعان كەلىسىمىندە وزگەشە ءتارتىپ بەلگىلەنبەسە نەمەسە قازاقستان رەسپۋبليكاسىنىڭ ۇكىمەتى وزگەشە ءتارتىپ بەلگىلەمەسە، قازاقستان رەسپۋبليكاسىنا ۆيزا الۋدى تالاپ ەتپەيتىن تارتىپپەن كەلگەن كوشىپ كەلۋشىلەر ءۇشىن قازاقستان رەسپۋبليكاسىنىڭ مەملەكەتتىك شەكاراسىن كەسىپ وتكەن كۇننەن باستاپ كۇنتىزبەلىك 30 كۇن، كۇنتىزبەلىك 180 كۇننەن تۇراتىن ءار كەزەڭ ىشىندە جيىنتىعىندا كۇنتىزبەلىك 90 كۇن وتكەن سوڭ؛

ەۋرازيالىق ەكونوميكالىق وداققا مۇشە مەملەكەتتەرىنىڭ ازاماتتارى ءۇشىن قازاقستان رەسپۋبليكاسىنىڭ مەملەكەتتىك شەكاراسىن كەسىپ وتكەن كۇننەن باستاپ كۇنتىزبەلىك 90 كۇن، كۇنتىزبەلىك 180 كۇننەن تۇراتىن ءار كەزەڭ ىشىندە جيىنتىعىندا كۇنتىزبەلىك 90 كۇن وتكەن سوڭ؛

قازاقستان رەسپۋبليكاسىنا كىرۋگە ارنالعان ۆيزانىڭ نەگىزىندە كەلگەن كوشىپ كەلۋشىلەر ءۇشىن ۆيزانىڭ مەرزىمى وتكەن سوڭ؛

بولۋدىڭ وزگە مەرزىمدەرىن ايقىندايتىن، قازاقستان رەسپۋبليكاسى راتيفيكاسيالاعان حالىقارالىق شارتتار بار مەملەكەتتەردىڭ ازاماتتارى ءۇشىن وسى شارتتاردا كورسەتىلگەن مەرزىمدەر وتكەن سوڭ؛

ۋاقىتشا تۇرۋعا رۇقسات رەسىمدەگەن كوشىپ كەلۋشىلەر ءۇشىن وسى رۇقساتتىڭ قولدانىلۋ مەرزىمى وتكەن سوڭ؛

بۇعان دەيىن قازاقستان رەسپۋبليكاسىندا بولۋ مەرزىمىن بۇزۋعا جول بەرگەنى ءۇشىن اكىمشىلىك جاۋاپكەرشىلىككە تارتىلعان كوشىپ كەلۋشىلەر ءۇشىن اكىمشىلىك جاۋاپكەرشىلىككە تارتۋ تۋرالى شەشىم شىعارىلعاننان كەيىن كۇنتىزبەلىك 15 كۇن وتكەن سوڭ؛

قىلمىستىق قۇقىق بۇزۋشىلىق جاساعانى ءۇشىن سوتتالعان كوشىپ كەلۋشىلەر ءۇشىن سوت شەشىمىنىڭ نەگىزىندە ولار ەلدەن شىعارىپ جىبەرىلگەن جاعدايلاردى قوسپاعاندا، جازاسىن وتەگەننەن نەمەسە جازادان بوساتىلعاننان كەيىن كۇنتىزبەلىك 10 كۇن وتكەن سوڭ؛

قازاقستان رەسپۋبليكاسىندا تۇراقتى تۇرعان جانە شەت ەلگە تۇراقتى تۇرۋعا قازاقستان رەسپۋبليكاسىنان شىعۋعا قۇجاتتار رەسىمدەگەن كوشىپ كەلۋشىلەر ءۇشىن قۇجاتتار رەسىمدەلگەننەن كەيىن كۇنتىزبەلىك 30 كۇن وتكەن سوڭ؛

وزدەرىنە قاتىستى قازاقستان رەسپۋبليكاسىنىڭ قىلمىستىق كودەكسىنە سايكەس اۋىر نەمەسە اسا اۋىر قىلمىس دەپ تانىلاتىن ىس-ارەكەتتەر جاسالعانى تۋرالى قىلمىستىق-پروسەستىك زاڭنامادا بەلگىلەنگەن تارتىپپەن حابارلاعان كوشىپ كەلۋشىلەر ءۇشىن قازاقستان رەسپۋبليكاسىنىڭ قىلمىستىق-پروسەستىك زاڭناماسىنا سايكەس ارىز قارالعاننان كەيىن كۇنتىزبەلىك 30 وتكەن سوڭ؛

قازاقستان رەسپۋبليكاسى سوتتارىنىڭ ۇكىمدەرى بويىنشا قوعامنان وقشاۋلاۋمەن بايلانىستى ەمەس جازالارعا شارتتى تۇردە سوتتالعان، سونداي-اق شارتتى تۇردە مەرزىمىنەن بۇرىن بوساتىلعان كوشىپ كەلۋشىلەر ءۇشىن تاعايىندالعان جازانىڭ مەرزىمى نە جازانىڭ وتەلمەگەن بولىگى اياقتالعاننان كەيىن كۇنتىزبەلىك 15 كۇن وتكەننەن سوڭ اياقتالادى؛

قىلمىستىق-پروسەستىك زاڭنامادا بەلگىلەنگەن تارتىپپەن وسىنداي قىلمىستار تۋرالى قىلمىستىق ىستەر بويىنشا جابىرلەنۋشىلەر نەمەسە كۋاگەرلەر دەپ تانىلعان كوشىپ كەلۋشىلەر ءۇشىن بولۋ مەرزىمى قىلمىستىق ءىستى تەرگەۋ ءۇشىن قاجەتتى، ءبىراق كۇنتىزبەلىك 90 كۇننەن اسپايتىن كەزەڭگە ۇزارتىلادى؛

ايرىقشا جاعدايلاردا (الەۋمەتتىك، تابيعي جانە تەحنوگەندىك سيپاتتاعى توتەنشە جاعدايلار كەزىندە جانە دۇلەي اپاتتىڭ نەمەسە ءىرى اۋقىمدى اۆاريانىڭ (اپاتتىڭ) ناقتى ءقاۋىپ توندىرۋىنە بايلانىستى توتەنشە جاعداي ەنگىزىلگەن، سونداياق كولىكتىڭ جۇمىس كەستەسى بۇزىلعان كەزدە) بولۋ مەرزىمى شىعۋدى ۇيىمداستىرe ءۇشىن قاجەتتى، ءبىراق كۇنتىزبەلىك 30 كۇننەن اسپايتىن كەزەڭگە ۇزارتىلادى.