«يسلام جانە ىزگى قوعام» جىلى اياسىندا قازاقستان مۇسىلماندارى ءدىني باسقارماسىنىڭ الماتى وبلىسى بويىنشا وكىلدىگى جانە الماتى وبلىستىق دەنە شىنىقتىرۋ جانە سپورت باسقارماسىنىڭ ۇيىمداستىرۋىمەن وتكەن «يمام بارىسى» اتتى تۋرنير ءوز مارەسىنە جەتتى.
شارا شىمىلدىعىن الماتى وبلىسىنىڭ باس يمامى ماديار تاعايباي ۇلى اشقاننان كەيىن، الماتى وبلىسى ءدىن ىستەرى باسقارماسىنىڭ «ءدىن سالاسىنداعى ماسەلەلەردى زەرتتەۋ ورتالىعى» ديرەكتورىنىڭ مىندەتىن اتقارۋشى اقجول مارات ۇلى، الماتى وبلىستىق دەنە شىنىقتىرۋ جانە سپورت باسقارماسىنىڭ باسشىسى، گرەك-ريم كۇرەسىنەن 2008 جىلعى بەيجىڭ وليمپيادا ويىندارىنىڭ كۇمىس جۇلدەگەرى نۇرباقىت مولداحمەت ۇلى، الماتى وبلىستىق قازاقستان حالقى اسسامبلەياسى اقساقالدار كەڭەسىنىڭ، قونايەۆ قالالىق ارداگەرلەر كەڭەسىنىڭ ءتوراعاسى امانگەلدى دانىبەك ۇلى، رەسپۋبليكالىق تاەكۆاندو فەدەراسياسىنىڭ قۇرمەتتى پرەزيدەنتى، قارا بەلبەۋ 5 دان يەگەرى سوۆەتحان قوسپاق ۇلى قاتىسۋشىلارعا ساتتىلىك تىلەدى.
بوز كىلەم ۇستىندە وتكەن دودادا بالۋاندار 80 كەلىگە دەيىن جانە +80 كەلىدەن جوعارى سالماق بويىنشا ب ا ق سىنادى.
– 80 كگ سالماق:
1. وڭعاربەك دامير (ەڭبەكشىقازاق اۋدانى) – كىشى قاجىلىققا جولداما.
2. يسابايەۆ رۋسلان (تالعار اۋدانى).
3. قابىلحان المات (تالعار اۋدانى).
+ 80 كگ سالماق:
1. سابۋروۆ اسانعوجا (قاراساي اۋدانى) – كىشى قاجىلىققا جولداما.
2. ابدۋلماجيت ابدۋلقادىر ۇلى (قاراساي اۋدانى).
3. اۆراي بەيسەنبى (جامبىل اۋدانى).
العاش رەت ۇيىمداستىرىلعان بۇل سپورتتىق شارانىڭ ماقساتى ءدىن قىزمەتكەرلەرىنىڭ اۋىزبىرشىلىگىن ارتتىرۋ، ىنتىماقتاستىعىن نىعايتۋ، باۋىرمالدىق قاتىناستارىن كۇشەيتۋ ەكەندىگىن ايتا كەتكەنىمىز ءجون.