7 اقپاندا ءازىربايجاندا پرەزيدەنت سايلاۋى ءوتتى. سايلاۋدا يلحام الييەۆتىڭ جەڭىسكە جەتەتىنىنە ەشكىم كۇمان كەلتىرمەگەن. ورتالىق سايلاۋ كوميسسياسىنىڭ الدىن الا ەسەبى بويىنشا الييەۆ 92،1% داۋىس جيناعان. سايلاۋدىڭ سوڭعى قورىتىندىسى شىقپاعاننىڭ وزىندە قازىرگى پرەزيدەنتتىڭ جەڭىسكە جەتەتىنى بارىنە بەلگىلى.
يلحام الييەۆ قالاي جەڭىسكە جەتتى؟ وعان تاۋلى قاراباقتى ەلگە قايتارۋ ساياساتى اسەر ەتتى. سەبەبى تاريحي ادىلدىكتى قالپىنا كەلتىرۋ، حالىقتىڭ سانا-سەزىمىن وياتۋ سياقتى ارەكەتتەر عانا قاتارىنان بەسىنشى رەت جەڭىسكە جەتۋگە مۇمكىندىك بەرەدى.
مۇنىڭ ءبارى سىرتقى جاۋ ارقىلى جاسالسا سايلاۋدا جەڭىسكە جەتۋگە مۇمكىندىك ارتادى. سىرتقى جاۋى كىم؟ ارينە ارمەنيا. 1990 جىلدارى الا الماي كەتكەن ەسەنى قايتارۋ ماقساتىن قويدى يلحام الييەۆ.
بىلتىر ءازىربايجان تاۋلى قاراباقتى قايتارىپ ەدى. وسىلايشا تاريحي ادىلدىك ورناپ يلحام الييەۆتىڭ حالىق الدىنداعى بەدەلى ارتتى. ول تەمىردى قىزعاندا باس دەپ بيىل كەزەكتەن تىس پرەزيدەنت سايلاۋىن وتكىزۋدى ۇسىنعان بولاتىن. سەبەبى 2025 جىلى سايلاۋ وتسە ونىڭ رەيتينگىسى ءتۇسىپ كەتۋ ءقاۋپى بولعان. ولاي جاساماسقا امال بولمادى. تاۋلى قاراباقتى قايتاردى، باسقا حالىقتىڭ پاتريوتتىق سەزىمىن وياتاتىن سىرتقى جاۋ وبرازى جوق.
وسىلايشا الداعى 7 جىل ي. الييەۆ ەل تىزگىنىن ۇستايدى. ارى قاراي نە بولماق؟ مەنىڭشە بۇل الييەۆتىڭ سوڭعى پرەزيدەنتتىك مەرزىمى بولماق. 7 جىلدا بيلىك ترانزيتىنە دايىندىق ۇدەرىسى جۇرەدى. سەبەبى پاتريوتيزمنەن بولەك، ادام جانە ازامات قۇقىعى، ساياسي جۇيەنى دەموكراتيالاندىرۋ، الەۋمەتتىك-ەكونوميكالىق ماسەلەلەردى شەشۋ سياقتى ماڭىزدى مىندەتتەر تۇر.