ازەربايجان پرەزيدەنتى يلحام الييەۆ Azerbaijan Airlines اۋە كومپانياسىنىڭ ەكيپاج مۇشەلەرىنىڭ وتباسىلارى مەن اپاتتان امان قالعان بورتسەرىكتەرمەن كەزدەسۋىندە ەل ازاماتتارىنىڭ قازاسى تۋرالى پىكىر ءبىلدىردى، دەپ حابارلايدى aqshamnews.kz
Minval باسىلىمىنىڭ حابارلاۋىنشا، الييەۆ كىنالىلەردى جازالاۋدى تالاپ ەتكەن.
«ءبىز ادىلدىك ورناپ، كىنالىلەردىڭ جازالانۋىن، بارىنشا اشىقتىق پەن ادامگەرشىلىك قارىم-قاتىناستى تالاپ ەتەمىز. جاقىن ارادا الدىن الا ناتيجەلەردى بىلەتىنىمىزگە جانە بارلىعى ءوز ورنىنا كەلىپ، تراگەديانىڭ تولىق كورىنىسى انىقتالاتىنىنا سەنىمدىمىن. بۇل قايعىلى وقيعانى تولىق زەرتتەۋ مەن كىنالىلەردى جازالاۋ ىسىندە ماڭىزدى كەزەڭ بولادى»، — دەدى ازەربايجان پرەزيدەنتى.
ازەربايجان باسىلىمىنىڭ حابارلاۋىنشا، ەگەر گروزنىي دەر كەزىندە اۋە كەڭىستىگىن جاپسا جانە رف اسكەري مەن ازاماتتىق قىزمەتتەرى اراسىندا ۇيلەستىرۋ بولعاندا، تراگەديانىڭ الدىن الۋعا بولار ەدى.
يلحام الييەۆتىڭ ايتۋىنشا، ەگەر رەسەي اپات بولعان العاشقى ساتتەردەن وبەكتيۆتى تەرگەۋ جۇرگىزۋگە ۇمتىلعاندا، ازەربايجان قارا جاشىكتەردى تاۋەلسىز مەملەكەتتەر دوستاستىعىنىڭ اۆياسيا كوميتەتىندە (ماك) راسشيفرلەۋگە كەلىسەر ەدى.
الايدا، «اپاتتىڭ ءمان-جايىن جاسىرۋ جانە ۇشاقتىڭ «قۇستارمەن سوقتىعىسۋ» نەمەسە «بورتتاعى وتتەگى باللونىنىڭ جارىلۋى» دەگەن تالپىنىستار» ماك تاراپىنان تەرگەۋدىڭ وبەكتيۆتىلىگىنە كۇمان تۋدىرعان. بۇل پرەزيدەنتتىڭ دە، قوعامنىڭ دا نارازىلىعىن تۋدىردى.