ۇلتتىق پاركتىڭ اۋماعىندا 43 تۋريستىك سوقپاق بار.
ىلە-الاتاۋ ۇلتتىق پاركىندە زاڭسىز اڭ اۋلايتىندار ازايماي تۇر، دەپ حابارلايدى Almaty-akshamy.kz Almaty.tv سىلتەمە جاساپ.
مەملەكەت قورعاۋىنداعى اۋماقتا جىل باسىنان بەرى 3 قىلمىستىق ءىس قوزعالىپتى. "بۇل وتكەن جىلمەن سالىستىرعاندا كوپ"، - دەيدى ماماندار.
«ىلە الاتاۋى ۇلتتىق تابيعي پاركىندە 350-دەن استام ينسپەكتور جۇمىس ىستەيدى. ولاردىڭ نەگىزگى اتقاراتىن مىندەتى – تابيعاتتى قورعاپ، جانۋارلاردى بروكونەرلەردەن قورعاۋ. سوڭعى 2 جىلدا 200-دەن استام اكىمشىلىك قۇقىقبۇزۋشىلىق تىركەلدى. ونىڭ ىشىندە زاڭسىز ءشوپ شابۋ، مال جايۋ، دارىلىك وسىمدىكتەردى جيناۋ سەكىلدى زاڭ بۇزۋشىلىقتار بار. ولار 370-باپ بويىنشا جازاعا تارتىلادى. وتكەن جىلى ەلىك جانە جابايى شوشقانى اتۋ بويىنشا ءىس تىركەلدى. ءقازىر جارتى جىلدىقتىڭ وزىندە 3 قىلمىستىق ءىس تىركەلدى. ونىڭ ەكەۋى ەلىكتى جانە جابايى شوشقانى تۇزاق ارقىلى ۇستاعاندار ۇستالدى»، – دەدى ىلە- الاتاۋ مەملەكەتتىك ۇلتتىق تابيعي پاركىنىڭ ەكولوگ- اعارتۋشىسى سامال ءابىلوۆا.
ۇلتتىق پاركتىڭ اۋماعىندا 43 تۋريستىك سوقپاق بار. بيىل ونى كورۋگە 344 مىڭنان استام تۋريست كەلىپتى.
«ۇلتتىق پارك اۋماعىندا ءتۋريزمدى دامىتۋ ماقساتىندا تۋريستىك سوقپاقتاردى قوسىمشا اباتتاندىرۋ جۇمىستارى جوسپارلانىپ جاتىر. ۇلتتىق پاركتىڭ اۋماعىندا 43 تۋريستىك سوقپاق بار. ول سوقپاقتاردىڭ نەگىزگىسى مەدەۋ فيليالى – الماتى ورمان شارۋاشىلىعىندا ورنالاسقان سوقپاقتار. ايۋلى شاتقالىندا ورنالاسقان – مىڭكوز سوقپاعى. وسى جەرلەرگە تۋريستەر كوپ كەلىپ، قىزىعۋشىلىق تانىتادى. تۋريستەردىڭ دە ءارتۇرلىسى بولادى. وتىرعان جەرىن جيناماي، قوقىستى شاشىپ، كەز كەلگەن جەرگە تاستايدى. ەندى ءبىزدىڭ ينسپەكتور قىزمەتكەرلەردىڭ دە اتقاراتىن جۇمىسى – قورشاعان ورتانى قورعاۋ جانە قوقىستان تازارتۋ. جاۋاپسىز دەمالۋشىلاردىڭ ارتىن تازالاۋ. 2021 جىلدى قوسا ەسەپتەگەندە 344 تونناعا جۋىق قوقىس جينالدى»، – دەدى ىلە الاتاۋى مەملەكەتتىك ۇلتتىق تابيعي پاركىنىڭ ەكولوگ-اعارتۋشىسى سامال ءابىلوۆا.