قاتتى تۇرمىستىق قالدىقتى بولەك جيناۋ جانە سۇرىپتاۋدى ەنگىزۋ جونىندەگى جول كارتاسى جاسالدى.
ىلە-الاتاۋ مەملەكەتتىك ۇلتتىق تابيعي پاركىنىڭ اۋماعىندا ەكولوگيالىق رەيد ءوتتى، دەپ حابارلايدى Almaty-akshamy.kz ەكولوگيا، گەولوگيا جانە تابيعي رەسۋرستار مينيسترلىگىنە سىلتەمە جاساپ.
شاراعا پارك قىزمەتكەرلەرىمەن بىرگە الماتى قالاسى تۋريزم باسقارماسى مەن تابيعاتتى قورعاۋ پوليسياسىنىڭ وكىلدەرى، ەرىكتىلەر، «Kaz Eco Patrol» رقب، ورمانشىلار، مەملەكەتتىك ينسپەكتورلار قاتىستى. بىرلەسكەن ءىس-شارا بارىسىندا ەكولوگيالىق زاڭنامانى بۇزۋ فاكتىلەرى انىقتالدى. اتاپ ايتقاندا، ورمان فاۋناسىن جويۋ جانە زاقىمداۋ، سونداي-اق قالدىقپەن لاستاۋعا قاتىستى 1 فاكت تىركەلدى. سونداي-اق ءورت قاۋىپسىزدىگى ەرەجەسى مەن ورماننىڭ سانيتاريا ەرەجەسىن ساقتاماۋعا قاتىستى 3 فاكتى تىركەلدى.
ايتا كەتۋ كەرەك، ىلە-الاتاۋ پاركىنە جىل سايىن 250 مىڭنان استام تۋريست كەلەدى. ولاردىڭ كوبەيۋىنە بايلانىستى ۇلتتىق پارك انتروپوگەندىك فاكتورلاردىڭ اسەرىن ازايتۋ ءۇشىن تۋريست مارشرۋتتارى مەن سوقپاقتارىن ۇنەمى قاداعالاپ وتىرۋى كەرەك.
«قاتتى تۇرمىستىق قالدىقتى بولەك جيناۋ جانە سۇرىپتاۋدى ەنگىزۋ جونىندەگى جول كارتاسى جاسالدى. ونى جۇزەگە اسىرۋ بارىسىندا 2020 جىلى 2 زاماناۋي قوقىس تاسىعىش، قاتتى تۇرمىستىق قالدىقتى جيناۋعا ارنالعان 135 كونتەينەر جانە ورگانيكالىق جانە تاماق قالدىعىنا ارنالعان 90 كونتەينەر ساتىپ الىندى. جىل باسىنان بەرى ساياباق اۋماعىنان 400 توننادان استام قوقىس شىعارىلدى. سونداي-اق، ءورت ءقاۋپى جاعدايىن ۋشىقتىرماس ءۇشىن 4 تامىزدان باستاپ ساياباق اۋماعىندا وت جاعۋعا تىيىم سالىندى. وت جاققان جانە قوقىس تاستاعان ادامدار اكىمشىلىك جاۋاپكەرشىلىككە تارتىلادى»، دەلىنگەن مينيسترلىكتىڭ حابارلاماسىندا.