بۇۇ ازاپتاۋعا قارسى كوميتەتىندە قازاقستاننىڭ بايانداماسى قارالدى.
ءىىم قىزمەتكەرلەرى قازاقستان دەلەگاسياسى قۇرامىندا ازاپتاۋعا قارسى قابىلدانىپ جاتقان شارالار بويىنشا ۇلتتىق باياندامانى قورعاۋعا قاتىستى، دەپ حابارلايدى Almaty-akshamy.kz.
ءىىم وكىلدەرى قازاقستانداعى تۇرمىستىق زورلىق-زومبىلىق ءۇشىن جاۋاپكەرشىلىكتى كۇشەيتۋ جونىندەگى زاڭنامالىق وزگەرىستەر، قىلمىستىق ءىس ماتەريالدارىن بۇرمالاۋ مۇمكىندىگىن جانە تەرگەۋدىڭ رۇقسات ەتىلمەگەن ادىستەرىن بولدىرمايتىن قىلمىستىق پروسەستى سيفرلاندىرۋ جونىندەگى كەشەندى شارالار تۋرالى ەگجەي-تەگجەيلى ايتىپ بەردى.
بۇۇ كوميتەتىنىڭ مۇشەلەرى ىشكى ىستەر ورگاندارىنىڭ قىزمەتتىك كابينەتتەرى جانە قىلمىستىق-اتقارۋ جۇيەسى مەكەمەلەرىندە ۇزدىكسىز بەينەباقىلاۋدى قامتاماسىز ەتۋ بويىنشا جۇرگىزىلىپ جاتقان جۇمىستارعا وڭ باعا بەردى. بۇۇ-نىڭ ازاپتاۋعا قارسى كوميتەتى باس بوستاندىعىنان ايىرۋ ورىندارىندا ءوتىنىش بەرۋگە ارنالعان تەرمينالداردى ورناتۋ بويىنشا ءىىم جۇرگىزىپ جاتقان جۇمىس تۋرالى پرەزەنتاسياعا ۇلكەن قىزىعۋشىلىق تانىتتى.