پوليسيا كۇنى قارساڭىندا ءىىم “سەرت” ءۇشىنشى رەسپۋبليكالىق ادەبي بايقاۋى وتكىزىلمەك.
بايقاۋدىڭ باستى ماقساتى – ەلدەگى قاۋىپسىزدىك پەن ءتارتىپتى قامتاماسىز ەتەتىن پوليسەيلەردىڭ ەرلىگىن ناسيحاتتاۋ، حالىقتىڭ قۇقىقتىق ساناسى مەن مادەنيەتىنىڭ دەڭگەيىن ارتتىرۋ، ىشكى ىستەر ورگاندارى قىزمەتكەرلەرىنىڭ كۇردەلى دە ءقاۋىپتى جۇمىسىنا جۇرتشىلىقتىڭ نازارىن اۋدارۋ، سونداي-اق قازاقستاندىق دەتەكتيۆ جانرىن دامىتۋ، دەپ حابارلايدى Almaty-akshamy.kz Polisia.kz-كە سىلتەمە جاساپ.
بيىلعى جىلى كونكۋرسقا بارلىق نيەت بىلدىرۋشىلەردەن بولەك پوليسيا بولىنىستەرى دە قاتىسا الادى. بۇرىن جاريالانباعان دەتەكتيۆتىك شىعارمالار اعىمداعى جىلدىڭ قازان ايىنا دەيىن قابىلدانادى. تۋىندىلار كونكۋرس تۋرالى ەرەجەدە كورسەتىلگەن تالاپتارعا ساي بولۋى ءتيىس.
ونىمەن ءىىم رەسمي پورتالىندا تانىسۋعا بولادى. بايقاۋ قورىتىندىسىن بەلگىلى جازۋشىلار مەن اقىنداردان، قوعام قايراتكەرلەرىنەن، جۋرناليستەردەن جانە ىشكى ىستەر ورگاندارىنىڭ ارداگەرلەرىنەن قۇرالعان قازىلار القاسى شىعارادى.
جەڭىمپازداردىڭ ەسىمى جىل سوڭىندا جاريالانادى.