بۇل تۋرالى ىشكى ىستەر مينيسترلىگىنىڭ اپتالىق بريفينگىندە بەلگىلى بولدى، دەپ حابارلايدى اlmaty-akshamy.kz BAQ.KZ-كە سىلتەمە جاساپ.
ءبىر اپتا ىشىندە 2775 قىلمىس جاسالدى، ونىڭ 1681ء-ى تاۋلىك ىشىندە اشىلدى، - دەپ اتاپ ءوتتى ەلدەگى كريمينوگەندىك جاعدايعا توقتالعان ۆەدومستۆونىڭ وكىلى شۇعىلا تۇرلىبەك.
ايتۋىنشا، ءتارتىپ ساقشىلارى ءبىرقاتار قىلمىستى ءىزىن سۋىتپاي اشقان.
پوليسيا قىزمەتكەرلەرى «ءىزىن سۋىتپاي» 8 كىسى ءولتىرۋ، 3 ولىمگە اكەپ سوققان دەنساۋلىققا قاساقانا اۋىر زيان كەلتىرۋ، 3 قاراقشىلىق، 44 توناۋ جانە 378 بوتەن مۇلىكتى ۇرلاۋ قىلمىستارىن اشتى، - دەدى مينيسترلىك وكىلى.
سونىمەن قاتار ۆەدومستۆو باسشىسى ماڭعىستاۋ وبلىسىنا ىسساپارمەن بارعانى بەلگىلى بولدى.
مينيستر مارات احمەتجانوۆ ماڭعىستاۋ وبلىسىنىڭ تۇرعىندارىمەن كەزدەستى. ماڭعىستاۋ – ەجەلگى وركەنيەت پەن تاريحي ەسكەرتكىشتەر مەكەنى. قارت كاسپييدىڭ قۇشاعىنداعى قالا – اقتاۋ. ىشكى ىستەر ءمينيسترى مارات احمەتجانوۆتىڭ 2023 جىلعا جوسپارلانعان حالىقپەن كەزدەسۋى ءدال وسى وڭىردەن باستالدى. نەگىزگى ماقسات – حالىقتىڭ مۇڭ-مۇقتاجىنا قۇلاق اسىپ، وڭىردەگى پوليسيا قىزمەتكەرلەرىنىڭ جۇمىسىن تەكسەرۋ، مەملەكەت باسىشىنىڭ رەفورمالارىن جۇرتقا جەتكىزىپ، پروبلەمالىق ماسەلەلەردىڭ شەشۋ جولدارىن قاراستىرۋ. مينيستر ازاماتتارعا ەڭ الدىمەن قوعامدىق قاۋىپسىزدىكتى قوعاممەن سەرىكتەستىكتە قامتاماسىز ەتۋ كونسەپسياسى تۋرالى ايتتى. قۇجاتتىڭ ماڭىزدىلىعىنا توقتالىپ، باستى باعىتتارىن سارالاپ، ەرەكشەلىكتەرىن ءتۇسىندىردى. سونىمەن قاتار شارا بارىسىندا ايماقتاعى كريمينوگەندىك احۋال تۋرالى اقپارات بەرىلدى. مينيستر جالپى قىلمىستىڭ 66%-ى وبلىس ورتالىعىندا جاسالاتىنىن اتاپ ءوتتى، - دەدى شۇعىلا تۇرلىبەك.
سونداي-اق ماڭعىستاۋدا 71 ۇرلىق، 1 مال ۇرلىعى، سونداي-اق جىل باسىنان بەرى ءبىر اي ىشىندە 26 الاياقتىق فاكتىسى تىركەلگەنى ايتىلدى.
وڭىردە اكىمدىك پەن پوليسيانىڭ ناتيجەلى جۇمىسىنىڭ ارقاسىندا كوپشىلىككە ۇلگى بولعان اۋىلدار تۋرالى دا ماعلۇمات بەرىلدى. ماڭعىستاۋ اۋدانىنىڭ وڭدى اۋىلى مەن ءتۇپقاراعان اۋدانىنىڭ تاۋشىق اۋىلىندا قابىلدانعان شارالاردىڭ تيىمدىلىگىنىڭ ارقاسىندا بىردە-بىر قىلمىس ورىن الماعان. اشىق فورماتتا وتكەن كەزدەسۋدە تۇرعىندار سۇراق قويىپ قانا قويماي، ءتۇرلى ماسەلە بويىنشا ءوز پىكىرلەرىن ايتىپ، ۇسىنىستارىن ءبىلدىردى، - دەدى ول.