پوليسيا 2025 جىلى بايلانىس وپەراتورلارىمەن بىرلەسىپ، 19 ميلليوننان استام جالعان قوڭىراۋدى بۇعاتتادى، دەپ حابارلايدى aqshamnews.kz
پوليسيا مالىمەتىنە سۇيەنسەك، جالپى سانى 85 ميلليوننان استام الاياقتىق قوڭىراۋدىڭ جولى كەسىلدى. قىلمىستىق توپتاردى قۇرۋ جانە باسقارۋ فاكتىلەرى بويىنشا التى قىلمىستىق ءىس قوزعالسا، ولاردىڭ بىرەۋى ترانسۇلتتىق سيپاتقا يە.
"سونىمەن قاتار قابىلدانعان تەحنيكالىق شارالاردىڭ ناتيجەسىندە قىلمىسكەرلەر پايدالانعان 100 مىڭنان استام SIM-كارتا جانە 88 SIM-box قۇرىلعىسى تاركىلەندى. وتكەن جىلى قازاقستاننان تىس جەرلەردە جەتى call-ورتالىقتىڭ زاڭسىز قىزمەتى توقتاتىلدى. بۇدان بولەك، ەل اۋماعىندا تاعى وسىنداي التى ورتالىقتىڭ قىزمەتى جويىلدى"،- دەلىنگەن اقپاراتتا.
كيبەرقىلمىسقا قارسى كۇرەس – ىشكى ىستەر مينيسترلىگىنىڭ قىزمەتىندەگى باسىم باعىتتاردىڭ ءبىرى. ازاماتتاردى سيفرلىق كەڭىستىكتە قورعاۋ ماقساتىندا پوليسيا كەشەندى جۇمىستار جۇرگىزۋدە. مەملەكەتتىك ورگاندارمەن بىرلەسىپ، مۇنداي قىلمىستاردىڭ الدىن الۋ بويىنشا جۇيەلى پروفيلاكتيكالىق شارالار اتقارىلۋدا.
"ينتەرنەتتىڭ دامۋىنا بايلانىستى "ءداستۇرلى" قىلمىس تۇرلەرى ونلاين-كەڭىستىككە اۋىسىپ، ولاردىڭ جاڭا فورمالارى پايدا بولدى. بۇگىندە ۇرلىقتار ينتەرنەت جەلىسى ارقىلى جاسالىپ، قىلمىسكەرلەر ازاماتتاردىڭ قاراجاتىن جىمقىرۋ ءۇشىن زاماناۋي تەحنولوگيالاردى قولدانۋدا. مۇنداي قىلمىستارمەن كۇرەس ءۇش نەگىزگى باعىتتا جۇرگىزىلۋى ءتيىس: زاڭنامالىق، تەحنيكالىق جانە پروفيلاكتيكالىق شارالار. تەك كەشەندى ءتاسىل عانا كيبەرقىلمىسقا ءوز دەڭگەيىندە قارسى تۇرۋعا مۇمكىندىك بەرەدى".
ق ر ءىىم باسپا ءسوز قىزمەتى
ءىىم قىزمەتكەرلەرى ازاماتتاردى الاياقتاردىڭ قۇربانى بولماس ءۇشىن قاراپايىم قاۋىپسىزدىك ەرەجەلەرىن ساقتاۋعا شاقىرادى.
"كۇماندى سىلتەمەلەرگە وتپەڭىز، جەكە دەرەكتەردى بوگدە ادامدارعا ايتپاڭىز، سونداي-اق بانك كارتالارىن جانە ولاردىڭ دەرەكتەرىن ءۇشىنشى تۇلعالارعا بەرمەڭىز"،- دەپ ەسكەرتتى پوليسيا.