جاساندى ينتەللەكت جانە سيفرلىق دامۋ جونىندەگى ءبىرىنشى ۆيسە-مينيستر روستيسلاۆ كونياشكين جەكە قۇجاتتاردى قايتا راسىمدەۋگە ارنالعان جاڭا ونلاين-قىزمەت ىسكە قوسىلاتىنىن مالىمدەدى، دەپ حابارلايدى aqshamnews.kz
ول بۇعان دەيىن جەكە كۋالىكتى ونلاين رەجيمدە قايتا راسىمدەۋ قىزمەتى ىسكە قوسىلعانىن ەسكە سالدى.
"بيىل بۇل قىزمەتتى باسقا دا ساناتتارعا كەڭەيتۋدى جوسپارلاپ وتىرمىز. ياعني، قۇجاتتى جوعالتۋ جاعدايدا قالپىنا كەلتىرۋ نەمەسە جاڭادان راسىمدەۋ مۇمكىندىگى قاراستىرىلادى. سونىمەن قاتار، ىشكى ىستەر مينيسترلىگىمەن بىرلەسىپ، بيىل بۇل قىزمەتتى پاسپورتتارعا دا قولدانۋدى جوسپارلاپ وتىرمىز"، – دەدى كونياشكين.
سونداي-اق ول بۇل جاڭاشىلدىقتىڭ نە سەبەپتى بىردەن ەنگىزىلمەگەنىن ءتۇسىندىردى.
"ءبىز نەگە كەزەڭ-كەزەڭىمەن ەنگىزىپ وتىرمىز؟ سەبەبى ازاماتتار ءۇشىن بۇل پروسەستىڭ ىڭعايلى، ءقاۋىپسىز جانە ءتيىمدى ەكەنىنە كوز جەتكىزۋىمىز قاجەت. سوندىقتان الدىمەن پيلوتتىق جوبا ىسكە قوسىلدى، ونىڭ اياسىندا قىزمەتتىڭ ءبىر ءتۇرى ەنگىزىلدى. بيىل اۋقىمىن كەڭەيتىپ، جىل سوڭىنا دەيىن ونلاين فورماتتى قۇجاتتاردىڭ باسقا دا تۇرلەرىنە تولىقتاي ەنگىزەمىز دەپ ۇمىتتەنەمىز"، – دەپ تولىقتىردى ءبىرىنشى ۆيسە-مينيستر.