III شاقىرىلىمداعى قوعامدىق كەڭەستىڭ جاڭا قۇرامى 60%-عا جاڭاردى
وتىرىس بارىسىندا «قوعامدىق كەڭەستەر تۋرالى» ق ر زاڭىنا سايكەس قوعامدىق كەڭەس قىزمەتىنىڭ قۇرىلىمىنا قاتىستى ۇيىمداستىرۋ ماسەلەلەرى قارالدى، دەپ حابارلايدى Almaty-akshamy.kz.
قوعامدىق كەڭەستىڭ ءتورايىمى بولىپ كوبەيەۆا التىناي ورمانقالي قىزى سايلاندى. التىناي كوبەيەۆا ازاماتتىق سەكتوردا 25 جىلدان استام قىزمەت اتقارىپ كەلە جاتقان، بىرنەشە ۇكىمەتتىك ەمەس ۇيىمداردى باسقارعان، قالانىڭ دامۋىنا مول اتسالىسىپ جۇرگەن ازاماتشالاردىڭ ءبىرى. وسىمەن قاتار قوعامدىق كەڭەستىڭ ءبىرىنشى جانە ەكىنشى شاقىرىلىمدارىنىڭ مۇشەسى جانە حاتشىسى بولعان. بۇل ۇيىمنىڭ جۇمىسى مەن ەرەكشەلىكتەرىن بىلەدى. قازىرگى تاڭدا «اقپاراتتىق-رەسۋرستىق ورتالىق» قوعامدىق قورىنىڭ باسشىسى بولىپ تابىلادى.
سونداي-اق، قوعامدىق كەڭەستىڭ 5 كوميسسياسىنىڭ قۇرىلىمى بەكىتىلىپ، كوميسسيا باسشىلارى سايلاندى.
- كوممۋنالدىق ينفراقۇرىلىم، ۇتقىرلىق، ەكولوگيا، قارجى، اكتيۆتەر جانە قاۋىپسىزدىك جونىندەگى كوميسسيا – ءتوراعاسى جاپاروۆ بوريس اليكەن ۇلى.
- قۇرىلىس، جەر قاتىناستارى، ۋربانيستيكا، ەنەرگەتيكا جانە سۋمەن جابدىقتاۋ جونىندەگى كوميسسيا – ءتوراعاسى شيبۋتوۆ مارات ماكسۋم ۇلى.
- قوعامدىق دامۋ، مادەنيەت، سپورت جانە جاستار جونىندەگى كوميسسيا – ءتوراعاسى كامالوۆ باحتيار كامال ۇلى.
- ەكونوميكا، كاسىپكەرلىك، ينۆەستيسيالار، سيفرلاندىرۋ، تۋريزم جونىندەگى كوميسسيا – ءتوراعاسى قاپاسوۆ دۋمان جاندوس ۇلى.
- دەنساۋلىق ساقتاۋ، ءبىلىم بەرۋ جانە جۇمىسپەن قامتۋ جونىندەگى كوميسسيا - ءتورايىمى قاسىمجانوۆا جانات كاكىمسەيىت قىزى.
سونىمەن قاتار، الماتى قالاسىنىڭ قوعامدىق كەڭەسىنىڭ ءتورالقاسى سايلاندى، ونىڭ قۇرامىنا قوعامدىق كەڭەستىڭ ءتوراعاسى، ءماسليحات حاتشىسى جانە كوميسسيالاردىڭ باسشىلارى ەندى.
ايتا كەتەيىك، وتىرىس Almaty.tv YouTube ارناسىندا جانە ءماسليحاتىنىڭ YouTube، Aitube ارنالارىندا تىكەلەي ەفيردە كورسەتىلدى.
ەستەرىڭىزگە سالا كەتەيىك، ءماسليحاتتىڭ كەزەكتەن تىس XIX سەسسياسىندا الماتى قالاسى قوعامدىق كەڭەسىنىڭ قۇرامى بەكىتىلدى. سايلاۋعا 200-گە جۋىق ادام قاتىستى.
جالپى، III شاقىرىلىمداعى قوعامدىق كەڭەستىڭ جاڭا قۇرامى 60% - دان استامعا جاڭاردى. جاڭا قۇرامنىڭ ساپالىق تالداۋى كەلەسىدەي: قوعامدىق كەڭەس مۇشەلەرىنىڭ ورتاشا جاسى 11 جاسقا جاساردى، ياعني 47 جاسقا دەيىن. بۇرىنعى شاقىرىلىممەن سالىستىرعاندا جاستار سانى 5،1-دەن 25،7% - عا دەيىن، ال ايەلدەردىڭ ۇلەسى 33،3% - عا دەيىن ءوستى. جالپى، كەڭەستىڭ نەگىزى ۇەۇ مەن ب ا ق وكىلدەرىنەن تۇرادى، ولاردىڭ سانى كەڭەس مۇشەلەرىنىڭ جالپى سانىنىڭ جارتىسىنان استامىن قۇرادى، سونداي-اق ءبىلىم بەرۋ سالاسى وكىلدەرىنىڭ ۇلەسى ارتتى. بۇدان باسقا، قوعامدىق كەڭەستىڭ جاڭا قۇرامىنا كوپ بالالى انالار مەن قانداستار ەندى.
جاڭارتىلعان قۇرامعا بارلىعى 39 ادام كىردى، ولاردىڭ 36-سى ازاماتتىق قوعام وكىلدەرى. زاڭناماعا سايكەس مەملەكەتتىك ورگاندار وكىلدەرى مۇشەلەرىنىڭ سانى 1/3 قۇراۋى مۇمكىن، بۇل رەتتە ازاماتتىق سەكتور مەن جۇرتشىلىق وكىلدەرى ءۇشىن كۆوتانى 36 ادامعا دەيىن كەڭەيتۋ تۋرالى شەشىم قابىلداندى.