2024 جىلى ق ر ءپىب مەديسينالىق ورتالىعى اۋرۋحاناسىنىڭ يادرولىق مەديسينا ورتالىعى ءۇش يننوۆاسيالىق راديوفارمپرەپاراتتى وندىرىسكە ەنگىزدى. بۇل تۋرالى ورتالىق باسشىسى، مەديسينا عىلىمدارىنىڭ دوكتورى ايگۇل ءسادۋاقاسوۆا مالىمدەدى، دەپ حابارلايدى aqshamnews.kz
راديويزوتوپتىق زەرتتەۋلەر سانى 40%-عا ارتىپ، 12 مىڭنان استام تالداۋ جۇرگىزىلدى. قازاقستاندا العاش رەت 18F-FDG، 18FAT، 68GA-API پرەپاراتتارى ءوندىرىلدى. بۇل دارىلەر ونكولوگيالىق اۋرۋلاردى ەرتە انىقتاۋعا مۇمكىندىك بەرىپ، اعزاداعى قاتەرلى ىسىك جاسۋشالارىن، مي، باۋىر، وكپە جانە باسقا دا مۇشەلەردەگى ىسىكتەردى ءدال دياگنوستيكالاۋعا كومەكتەسەدى.
پرەپاراتتار پاسيەنتتەر ءۇشىن ءقاۋىپسىز، سەبەبى ولار دەنەدەن تەز شىعادى جانە ناقتى اقپارات بەرەدى. بۇل ونكولوگتارعا ناۋقاستىڭ جاعدايىن دالىرەك باعالاۋعا مۇمكىندىك بەرەدى.
2025 جىلى تاعى ەكى جاڭا پرەپارات – 18F-PSMA جانە 68Ga-PSMA وندىرىسكە ەنگىزىلەدى. بۇل تەحنولوگيالار ەرلەر اراسىنداعى ونكولوگيالىق اۋرۋلارمەن كۇرەسۋدە ماڭىزدى ءرول اتقارادى.
2022 جىلى اشىلعان ورتالىق قازاقستاندا يادرولىق مەديسينانىڭ دامۋىنا سەرپىن بەرىپ، جاڭا دياگنوستيكالىق جانە ەمدەۋ ادىستەرىن ەنگىزۋدە.