ەندى الماتىنىڭ مامانداندىرىلعان حقو-لارىندا تەوريالىق ەمتيحاندى مەملەكەتتىك كورپوراسيا قىزمەتكەرلەرى قابىلدايدى6 دەپ حابارلايدى almaty-akshamy.kz
مامانداندىرىلعان حالىققا قىزمەت كورسەتۋ ورتالىقتارىندا تەوريالىق ەمتيحان تاپسىرۋدىڭ جاڭا ەرەجەلەرى ەنگىزىلدى. ەندى ەمتيحان قابىلداۋداعى ۇيىمداستىرۋشىلىق-تەحنولوگيالىق پروسەستەرىن مەملەكەتتىك كورپوراسيا جۇزەگە اسىرادى. بۇرىن مۇنى اۋتسورسينگتىك كومپانيالار جاسايتىن ەدى.
بۇل جاڭاشىلدىق «ازاماتتارعا ارنالعان ۇكىمەتتىڭ» مامانداندىرىلعان حقو-لاردا كليەنتتەردىڭ ساپاسىز قىزمەت كورسەتۋ تۋرالى شاعىمدارىنىڭ ءجيى تۇسۋىمەن بايلانىستى. وسىنداي كەلەڭسىزدىكتەردى جويۋ ءۇشىن مەملەكەتتىك كورپوراسيا تەستىلەۋ ۇدەرىسىن دەربەس ۇيىمداستىرۋعا شەشىم قابىلدادى. وسىلايشا، تەستىلەۋدىڭ ساپاسى عانا ەمەس، قاۋىپسىزدىگى دە ارتادى.
بۇل رەتتە، بۇرىن تەوريالىق تەستىلەۋ جول قوزعالىسى ەرەجەلەرى 2.0 جۇيەسى ارقىلى جۇرگىزىلگەنىن اتاپ وتەمىز. 16 قازاننان باستاپ مەملەكەتتىك كورپوراسيا جول قوزعالىسى ەرەجەسىنىڭ جاڭا 3.0 جۇيەسىنە كوشتى. ونىڭ ارقاسىندا جۇرگىزۋشى كۋالىگىن الۋ پروسەسى اشىق ءارى ءادىل وتۋدە.
تەوريالىق ەمتيحاندى تاپسىرۋ كەزىندە تەستىلەۋ بارىسىن اۋديو جانە بەينەجازباعا ءتۇسىرۋ مۇمكىندىگى جۇزەگە اسىرىلعانىن ايتا كەتكەن ءجون. بيومەتريالىق جەكە سايكەستەندىرۋ جۇرگىزۋشى كۋالىگىن الۋعا ەمتيحان قابىلداۋ قاعيدالارىنا ەنگىزىلگەن وزگەرىستەرگە سايكەس تە جۇرگىزىلەدى.
سونىمەن قاتار، مەملەكەتتىك كورپوراسيا بۇعان دەيىن ەمتيحان قابىلداۋ بولمەلەرىنە بەينەباقىلاۋ ەنگىزگەن بولاتىن. بۇل رەتتە كەز كەلگەن ادام كۇتۋ زالدارىندا دا، ونلاين رەجيمىندە دە ءوتىپ جاتقان ەمتيحاندى كورە الادى. كومەكشى قۇرال-جابدىقتاردى پايدالانىپ ۇستالعان كليەنتتەر 3 ايعا ەمتيحان تاپسىرۋ قۇقىعىنان ايىرىلعان ايتا كەتكىمىز كەلەدى.
ەستەرىڭىزگە سالا كەتسەك، ەمتيحاننان وتپەگەن جاعدايدا كەلەسى جۇمىس كۇنى تەوريانى قايتا تاپسىرۋعا بولادى. ەگەر، سىناقتى ەكى رەت تەرىس ناتيجەمەن تاپسىرسا، قايتا تاپسىرۋ تەك ءبىر ايدان كەم ەمەس مەرزىمدە جۇزەگە اسىرىلادى.