حقكو-لاردىڭ جۇمىس كەستەسى قىسقارتىلدى

ەلىمىزدىڭ بارلىق وبلىسىندا حقكو-لار بەس كۇن عانا جۇمىس ىستەيدى.

حقكو-لاردىڭ جۇمىس كەستەسى دە قىسقارتىلعان، فرونت-وفيستەر مەملەكەتتىك قىزمەتتەردى تاڭعى 9-دان كەشكى 6-عا دەيىن ۇسىناتىن بولادى، دەپ حابارلايدى اlmaty-akshamy.kz

«ازاماتتارعا ارنالعان ۇكىمەت» مەملەكەتتىك كورپوراسياسىنىڭ حابارلاۋىنشا، ءبىر كۇندە قابىلداۋى مۇمكىن ازاماتتاردىڭ سانى شەكتەلىپ وتىر.

حالىقتىڭ كوپشىلىگىن قامتۋ جانە برونداۋ مۇمكىندىگىن قولجەتىمدى ەتۋ ماقساتىندا «ازاماتتارعا ارنالعان ۇكىمەت» مەملەكەتتىك كورپوراسياسى فرونت-وفيستەردە قىزمەت كورسەتۋ ۋاقىتىن 20 مينۋتتان 15 مينۋتقا دەيىن قىسقارتۋ تۋرالى شەشىم قابىلدادى. بۇل برونداۋعا بولاتىن سلوتتاردىڭ سانىن 25%-عا ارتتىردى.

ەسكى برونداۋ جۇيەسى كەزىندە ساعاتىنا ءۇش ۋاقىت سلوتى قولجەتىمدى ەدى، ءقازىر تورتكە جەتتى.

ناقتى ايتقاندا، ءبىر قىزمەتكەر ءبىر ساعات ىشىندە 4 كليەنتكە قىزمەت كورسەتە الادى.

ازاماتتاردان حقكو-عا بارعان كەزدە سانيتارلىق-پروفيلاكتيكالىق نورمالاردى ساقتاۋ، بەتپەردە تاعۋ جانە الەۋمەتتىك قاشىقتىقتى ساقتاۋ تالاپ ەتىلەدى. عيماراتقا كىرۋ Ashyq قوسىمشاسى بويىنشا جۇزەگە اسىرىلادى. حقو-عا كەزەكتى eGov پورتالى، 1414 ءبىرىڭعاي بايلانىس ورتالىعى جانە @kenes1414bot تەلەگرام-بوت ارقىلى برونداۋعا بولادى.