2025 جىلدىڭ ءساۋىر ايىندا الاتاۋ اۋدانى اكىمىنىڭ اپپاراتى قاراسۋ كولىنىڭ بويىنداعى سكۆەردى اباتتاندىرۋ جۇمىستارىن باستاعان ەدى. جوبا اياسىندا مىناداي جۇمىستار ورىندالدى: بەيىمدەلگەن وسىمدىكتەردى قولدانا وتىرىپ، اۋماقتى كوگالداندىرۋ، كەشكى ۋاقىتتا جايلى جانە ءقاۋىپسىز بولۋدى قامتاماسىز ەتۋ ءۇشىن كوشە جارىعىن ورناتۋ؛ قوعامدىق جانە مادەني ءىس-شارالاردى وتكىزۋ ءۇشىن امفيتەاتر سالۋ، اۋداننىڭ رۋحى مەن مادەني ەرەكشەلىگىن كورسەتەتىن ارت-وبەكتىلەردى مونتاجداۋ؛ گرانيتتى باسپالداق، گرانيتتى پاراپەت قوسىلعان اباتتاندىرۋ ەلەمەنتتەرىن توسەۋ، تاس كىلەم.
جوبانى ىسكە اسىرۋ بارىسىندا تابيعي رەلەفتى ساقتاۋعا جانە قاراسۋ كولىنىڭ جاعالاۋ ايماعىنىڭ ەكولوگيالىق جاعدايىن جاقسارتۋعا ەرەكشە نازار اۋدارىلدى. بارلىق جۇمىستار تۇراقتى دامۋ قاعيداتتارى مەن تابيعاتتى قورعاۋ نورمالارىن ساقتاي وتىرىپ ورىندالادى.
اۋدان تۇرعىندارى مەن قوناقتارى ءۇشىن جايلى، ەكولوگيالىق تازا جانە ءقاۋىپسىز دەمالىس ايماعىن قۇرۋعا، سونداي-اق لاندشافتتىق جانە مادەني ديزاين ەلەمەنتتەرى بار زاماناۋي قوعامدىق كەڭىستىكتى قالىپتاستىرۋعا باعىتتالعان جوباعا جەرگىلىكتى تۇرعىندار وڭ باعاسىن بەردى. اۋدان تۇرعىنى ايناگۇل شالوۆا وتكەن جىلى بۇل ايماقتى قالىڭ ءشوپ باسىپ، شاڭ كوتەرىلگەنىن، ءقازىر اۋماقتىڭ تانىماستاي وزگەرگەنىن ايتتى.
– مەن كورشىلەرىممەن بىرگە وسى اۋماقتى اباتتاندىرۋ ماسەلەسىن بىرنەشە رەت كوتەرىپ، ونى جەرگىلىكتى چاتتا تالقىلادىم. ونى سۋرەتكە ءتۇسىرىپ، "بالالارمەن قايدا جۇرۋگە بولادى"دەگەن سۇراقپەن اكىمدىككە جىبەردىك؟ ۋاقىت وتە كەلە الاتاۋ اۋدانىنىڭ اكىمدىگى ءبىزدىڭ وتىنىشىمىزگە نازار اۋداردى.
بۇرىن ءۇش نەمەرەممەن ءبىز وزگە جەردەگى ساياباق ايماقتارىنا قينالىپ باراتىنبىز. ەندى دەمالىس ورنى وزىمىزدە بار. بالالار ۆەلوسيپەدتەر مەن سكۋتەرلەردە سەرۋەندەيدى، ءارتۇرلى كارۋسەلدىك اتكەنشەكتەردە كوڭىل كوتەرەدى، بارلىق جاعدايلار جاسالعان. ورناتىلعان جارىق شامدارى كەشكە قاراي ۇزاق سەرۋەندەۋگە مۇمكىندىك بەرەدى. ءبىز ريزامىز"، - دەدى اۋدان تۇرعىنى.
ايتا كەتەيىك، الاتاۋ اۋدانىندا تاعى ءبىر جوبا جۇزەگە اسىرىلدى.
2025 جىلدىڭ ءساۋىر ايىندا الاتاۋ اۋدانى اكىمىنىڭ اپپاراتى مەردىگەر ۇيىممەن - "جاقسىلىق مۇگەدەكتەر قوعامى" قوعامدىق بىرلەستىگىمەن بىرلەسىپ، سايالى - 2 شاعىناۋدانىنداعى ارقالىق كوشەسىندەگى سكۆەردى اباتتاندىرۋ جۇمىستارىن باستاعان بولاتىن. اباتتاندىرىلعان اۋماقتىڭ جالپى اۋدانى 6000 شارشى مەتردى قۇرادى.
جوبانىڭ نەگىزگى ماقساتى حالىقتىڭ بارلىق ساناتتارىنا، سونىڭ ىشىندە مۇمكىندىگى شەكتەۋلى جاندارعا، قارت ازاماتتارعا جانە بالالارى بار وتباسىلارعا قولجەتىمدى جايلى، ەكولوگيالىق تازا جانە ءقاۋىپسىز قوعامدىق كەڭىستىك قۇرۋ بولدى. الاڭ اۋدان تۇرعىندارى ءۇشىن اشىق اۋادا دەمالۋ جانە دەمالىس مادەنيەتىن دامىتۋعا ىقپال ەتەتىن جاڭا دەمالىس نۇكتەسى بولۋعا ارنالعان.
اباتتاندىرۋ اياسىندا اۋماقتى كوگالداندىرۋ جۇمىستارى جۇرگىزىلدى، كوشە جارىعى جانە ارت-وبەكتىلەر، كيىز ءۇي جانە "اق ورىندىق" ورناتىلدى، بۇلاردىڭ بارلىعى تىنىشتىق، مەيىرىمدىلىك پەن ءوزارا تۇسىنىستىك بەلگىسنە اينالدى. بارلىق جۇمىستار زاماناۋي اباتتاندىرۋ تالاپتارىن، قولجەتىمدى ورتانى جانە قالالىق ورتانىڭ تۇراقتى دامۋىن ەسكەرە وتىرىپ جۇرگىزىلدى.
ساۋلە ەركەبايەۆا - جوبانىڭ اۆتورلارى مەن باستاماشىلارىنىڭ ءبىرى. ول سايالى-2 شاعىناۋدانى |ارقالىق كوشەسىندەگى وزگەرىستەرگە الاتاۋ اۋدانىنىڭ بيلىگىن تارتۋ بويىنشا ۇلكەن جۇمىس جۇرگىزدى.
- مەن جەرگىلىكتى ءوسي-دىڭ وكىلىمىن جانە بىزدە نەگىزىنەن بالالار وينايتىن ورىندار بار ءبىراق كورشىلەر، ولاردىڭ اراسىندا قارتتار مەن مۇگەدەكتەر ماعان: "ءبىز دەمالاتىن ورىن بولسا عوي» دەپ ساۋال تاستادى. كەيىن پىكىرلەس ازاماتپەن بىرگە ەكەۋمىز الاتاۋ اۋدانىنىڭ اكىمدىگىنە جۇگىندىك. ويتكەنى، ءبىز «حالىق قاتىساتىن بيۋدجەت» باعدارلاماسىن بىلەتىنبىز. سول جوبانى نەگىزگە الىپ، اۋماقتى اباتتاندىرۋدى ۇسىندىق. بۇرىن بۇل اۋماق يەسىز جاتتى، كەيىن ستيحيالىق اۆتوتۇراققا اينالدى. مەردىگەرلەر مەن اۋدان اكىمىنىڭ، تالقىلاۋلار مەن كەڭەستەردىڭ ارقاسىندا جاياۋ سەرۋەندەۋگە بولاتىن دەمالىس اۋماعى پايدا بولدى. قارت ادامدار دا، وتباسى مۇشەلەرى دە، مۇمكىندىگى شەكتەۋلى ادامدار دا مۇندا جاقسى سەرۋەندەپ، دەمالادى. ەڭ باستىسى، ءبىزدىڭ تۇرعىلىقتى جەرىمىزگە جاقىن.
راۋشان - سايالى شاعىن اۋدانىنىڭ تۇرعىنى، كۇن سايىن دەمالىس ايماعىنا بارادى ءارى وعان كورنەكى وزگەرىستەر وتە ۇنايدى:
– ماعان كيىز ءۇيدىڭ ديزاينى وتە ۇنايدى، زاماناۋي جانە سونىمەن بىرگە ەتنو-ستيلدە جاسالعان. سەرۋەندەيتىن ايماقتىڭ پايدا بولعانىنا قۋانىشتىمىز. مۇندا كەشكە قاراي شامدار جارقىراپ جانىپ تۇرادى،بۇل ەڭ الدىمەن ءبىزدىڭ بالالارىمىزدىڭ قاۋىپسىزدىگى. ءبىز اۋداننىڭ كوركەيىپ، دامىپ جاتقانىنا ريزامىز!