ازىرشە كۋاگەرلەردەن جاۋاپ الۋ جالعاسۋدا.
ەستەرىڭىزدە بولسا، 2023 جىلدىڭ قاراشاسىندا 13 ادامنىڭ ءومىرىن قيعان «الماتى الا» حوستەلىندەگى ورتكە قاتىستى سوت وتىرىسى الماتى قالاسىنداعى المالى اۋداندىق سوتىندا ءوتىپ جاتىر، دەپ حابارلايدى aqshamnews.kz
ءورت كەزىندە جاتاقحانادا تۇرعان ستۋدەنتتەردىڭ ءبىرى اس ءۇيدىڭ ارتىنداعى جەرتولەدەن شىعاتىن قوسىمشا ەسىك بولعانىن ايتتى. بۇل ەسىك قورعانىس تورى بار تەمىر ەسىك رەتىندە جابدىقتالعان جانە تەك جەلدەتۋ ءۇشىن عانا پايدالانىلعان، قالعان ۋاقىتتا ول جابىلىپ تۇرعان.
سونىمەن قاتار، كۋاگەر ءورت باستالعان كەزدە دىبىس دابىلى ءبىرىنشى قاباتتا عانا جۇمىس ىستەپ تۇرعانىن، ال جارىق دابىلى مۇلدەم بولماعانىن اتاپ ءوتتى. ول سونداي-اق بولمەلەردە اپاتتىق ەۆاكۋاسيا جوسپارلارىنىڭ جوقتىعىن ايتتى.