حورۆاتيا 2023 جىلدى جاڭا ۆاليۋتامەن قارسى الادى. بۇل ەل 1 قاڭتاردان باستاپ ەۋروعا وتەدى، دەپ حابارلايدى Almaty-akshamy.kz Inform.kz-كە سىلتەمە جاساپ.
ءبىرىڭعاي ەۋروپالىق ۆاليۋتاعا كەزەڭ-كەزەڭىمەن، ءبىراق جىلدام ءوتۋ اياسىندا بانكوماتتاردىڭ جارتىسىنان استامى ءوشىرىلدى. بۇل بانكوماتتاردى جاڭا ۆاليۋتامەن تولىقتىرۋ ءۇشىن جاسالدى.
حورۆاتيالىق كۋنا مەن ەۋرو تەك 14 كۇن بويى عانا قولما-قول تولەم جاساۋ ءۇشىن تەڭ قولدانىلادى.
«قولدارىڭىزدا قولما-قول اقشا بولعانى دۇرىس، سەبەبى دەمالىس كۇندەرى بانك جۇيەسى وتپەلى جاعدايدا بولادى. كارتا دا، ينتەرنەت-بانكينگ تە جۇمىس ىستەمەيدى. 2 قاڭتاردا ءبارى بۇرىنعىداي دۇرىس جۇمىس جاساۋى ءتيىس»، - دەدى حورۆاتيا ۇلتتىق بانكىنىڭ ءتوراعاسى بوريس ۆۋيچيچ.
2023 جىلدىڭ 1 قاڭتارىنان حورۆاتيا رەسمي تۇردە شەنگەن ايماعىنا قوسىلادى. ادامدار ەو كورشى ەلدەرى اراسىندا ءتولقۇجات باقىلاۋىنسىز شەكارانى كەسىپ وتە الادى.