قازاقستان جاسوسپىرىمدەر قۇراماسى شايبالى حوككەيدەن الەم چەمپيوناتىنداعى ەكىنشى ويىنىن جاپونياعا قارسى وتكىزدى
فرانسيانىڭ انجە قالاسىندا 1ا ديۆيزيونىندا بۇگىن ەكىنشى تۋر ويىندارى ءوتتى، دەپ حابارلايدى Almaty-akshamy.kz Azattyq Ruhy-نا سىلتەمە جاساپ.
قازاقستاندىق حوككەيشىلەر كەزدەسۋ بارىسىندا سەنىمدى ويىن كورسەتتى. ءبىرىنشى كەزەڭنىڭ 18-مينۋتىندا ەل قۇراماسىنان ارتۋر گروسس كوزدەگەن نىسانادان ءمۇلت كەتكەن جوق.
ەكىنشى كەزەڭدە قازاقستاندىق كيريلل لياپۋنوۆ 21-مينۋتىندا ەسەپتى ۇستەمەلەي ءتۇستى.
ءۇشىنشى كەزەڭدە ەل قۇراماسىنان الەكساندر كيم 41-مينۋتتا باسىمدىقتى ارتتىرسا، كيريلل لياپۋنوۆ 44-مينۋتتا تاعى ءبىر مارتە گول سوقتى.
كەزدەسۋ نۇكتەسىن 58-مينۋتتا اباي بەيسەمبايەۆ قويدى. وسىلايشا قازاقستاندىق حوككەيشىلەر قارسىلاسىنان 5:0 ەسەبىمەن باسىم ءتۇستى.